திருவள்ளூர் அருகே இலவச மருத்துவ முகாமில் 500-க்கும் மேற்பட்டவர்களுக்கு கண் பரிசோதனை செய்யப்பட்டு இலவச கண் கண்ணாடி வழங்கப்பட்டதால் பொதுமக்கள் மகிழ்ச்சி அடைந்தனர்.

திருவள்ளூர் மாவட்டம் குத்தம்பாக்கம் அடுத்த உட்கோட்டையில் BCC தொண்டு நிறுவனம், எக்விடாஸ் வங்கி, மற்றும் சவிதா மருத்துவக் கல்லூரி மருத்துவமனை இணைந்து நடத்தும் இலவச மருத்துவ முகாம் போதகர் சாமுவேல் மதிவாணன் தலைமையில் உட்கோட்டை ஊராட்சி ஒன்றிய நடுநிலைப்பள்ளியில் நடைபெற்றது.

 

இந்நிகழ்ச்சியில் புரட்சி பாரதம் கட்சியின் தலைவரும், கே.வி.குப்பம் தொகுதியின் சட்டமன்ற உறுப்பினருமான ஜெகன்மூர்த்தி சிறப்பு அழைப்பாளராக கலந்து கொண்டு முகாமினை துவக்கிவைத்தார்.

 

இந்த முகாமில் பொது மருத்துவம், பெண்கள் நல மருத்துவம், குழந்தைகள் நல மருத்துவம், பிசியோதெரபி, எலும்பியல் மருத்துவம், பல் மருத்துவம், ரத்த அழுத்தம், சா்க்கரை பரிசோதனை, ECG, X-RAY மற்றும் கண் பரிசோதனைகள் செய்யப்பட்டு ஆலோசனைகள் வழங்கப்பட்டது.

மேலும் கண்பரிசோதனை செய்யப்பட்டதில் லேசான கண்பார்வை குறைபாடு உள்ள 500-க்கும் மேற்பட்ட நபர்களுக்கு இலவச கண் கண்ணாடி வழங்கப்பட்டது.

இந்த முகாமில் ஏராளமான பொதுமக்கள் கலந்து கொண்டு பயன்பெற்றனர்.