திமுக அமைச்சர்களிடம் மரியாதையை எதிர்ப்பார்க்க முடியாது. திமுக ஜமீன்தார் அரசியல் நடத்தி வருகின்றனர். திமுக ஆட்சி பொறுப்புக்கு வந்த பின்பு சட்டம், ஒழுங்கு பிரச்சினை. விலைவாசி உயர்வு என பொதுமக்கள் கடும் கோபத்தில் இருக்கின்றனர். 2024-ம் ஆண்டு நாடாளுமன்ற தேர்தலில் அதன் வெளிப்பாடு இருக்கும். தமிழ்நாட்டை பொறுத்தவரை இருமொழிக்கொள்கைதான். மும்மொழி கொள்கையை மறைமுகமாக திமுக ஆதரித்து வருகிறது. சந்தர்ப்பத்திற்கு ஏற்ப பச்சோந்தி போல கொள்கையை திமுக மாற்றி வருகிறது.

மாணவர்கள் மோதல், ஆசிரியர்கள் மிரட்டப்படுதல், உள்ளிட்ட சம்பவங்கள் அதிகரித்து இருக்கிறது. ஆரம்பத்திலேயே பள்ளிக்கல்வித்துறை தடுத்திருந்தால் இதுபோன்ற நிலை ஏற்பட்டிருக்காது. இலங்கை தமிழர்கள் 1.5 லட்சம் பேர் படுகொலைக்கு காரணமான திமுக அரசு தற்போது நிவாரண பொருட்கள் அனுப்பி வேஷமிடுகிறது. அதை பொதுமக்கள் ஒரு போதும் நம்பமாட்டார்கள்” என்றார்.

சின்னத்திரை நடிகை ஆர்ஜே சித்ரா தற்கொலை வழக்கில் அதிமுகவினருக்கு தொடர்பிருப்பதாக எழுப்பிய கேள்விக்கு பதிலளித்த ஜெயக்குமார், உரிய விசாரணை நடத்தி யாராக இருந்தாலும் காவல்துறை சட்டப்படி நடவடிக்கை எடுக்க வேண்டும் என கூறினார்.