ஓடிடி-யில் வெளியாகிறது கமல் மகள் படம்.

கமல்ஹாசன் மகள் அக்‌ஷரா நடித்துள்ளா `அச்சம் மடம் நாணம் பயிர்ப்பு’ படம் நேரடியாக ஓடிடியில் வெளியாகிறது.

நடிகர் கமல்ஹாசனின் இரண்டாவது மகள் அக்‌ஷரா ஹாசன். இவர் அமிதாப்பச்சன், தனுஷ் நடித்த ஷமிதாப் படம் மூலம் அறிமுகமானார். பின்னர் அஜித்தின் ’விவேகம்’ கமலின் ’கடாரம் கொண்டான்’ படங்களில் நடித்துள்ள, அக்‌ஷரா இப்போது `அக்னிச் சிறகுகள்’ படத்தில் நடித்துள்ளார்.

இதற்கிடையே, அவர் ‘அச்சம் மடம் நாணம் பயிர்ப்பு’ என்ற படத்தில் நாயகியாக நடித்துள்ளார். இதை ராஜா ராமமூர்த்தி இயக்கியுள்ளார். பாடகி உஷா உதூப், அக்‌ஷராவுக்கு பாட்டியாக நடித்துள்ளளார். மற்றும் மால்குடி சுபா, அஞ்சனா ஜெயபிரகாஷ், கலைராணி உட்பட பலர் நடித்துள்ளனர். டிரெண்ட் லவுட் என்ற நிறுவனம் தயாரித்துள்ள இந்தப் படத்துக்கு, சுஷா இசை அமைத்துள்ளார். ஸ்ரேயா தேவ் ஒளிப்பதிவு செய்துள்ளார்.

2020-ம் ஆண்டு தொடங்கப்பட்ட இந்தப் படம் பற்றிய அப்டேட் ஏதும் வெளியாகாத நிலையில், தற்போது வெளியாகியுள்ளது. அமேசான் ப்ரைம் தளத்தில் இந்தப் படம் நேரடியாக வரும் 25-ம் தேதி வெளியாகிறது.

மேலும் செய்திகளை தெரிந்து கொள்ள https://aramseithigal.com  http://aramseithigal.in  http://aramnews.in “அறம் செய்திகள்”-ளுடன் தொடர்ந்திருங்கள்.