ஆத்தூர் அருகே பெத்தநாயக்கன்பாளையத்தில் திமுக வேட்பாளர் ஹோட்டல் கடையில் தொழிலாளர்களுடன் தோசை சுட்டு வாக்கு சேகரிப்பில் ஈடுப்பட்டார்.

கள்ளக்குறிச்சி பாராளுமன்றத்திற்கு உட்பட்ட ஆத்தூர், கெங்கவள்ளி, ஏற்காடு சட்டமன்ற தொகுதிகளில் திமுக வேட்பாளர் மலையரசன் தீவிர வாக்கு சேகரிப்பு முதல் கட்டமாக இன்று பெத்தநாயக்கன்பாளையம் பேருந்து நிறுத்தம் அருகே உள்ள ஒரு உணவகத்தில் திமுக வேட்பாளர் மலையரசன் மற்றும் மாவட்ட செயலாளர்கள் எஸ் ஆர் சிவலிங்கம் ஆகியோர் கடையில் பணி செய்யும் தொழிலாளர்களுடன் இணைந்து தோசை ஊற்றி வாக்கு சேகரிப்பில் ஈடுபட்டனர்.

அதை தொடர்ந்து பிரச்சாரம் வாகனத்தில் பகுதி முழுவதும் பொதுமக்களிடம் திமுக அரசின் 3 ஆண்டு சாதனைகளையும் பெண்களுக்கான பல்வேறு திட்டங்களை திமுக தலைவர் ஸ்டாலின் ஏற்படுத்தியுள்ளதாகவும் கூறி வாக்கு சேகரித்து வருகின்றனர்.