ஈரோடு பி.பி. அக்ரஹாரத்தில் மருத்துவ முகாம்

ஈரோடு பி.பி.அக்ரஹாரத்தை சேர்ந்த சமூக ஆர்வலர் முத்துபாவா தலைமையில், ஈரோடு யூனிக் அரிமா சங்கம், தி பாசம் அறக்கட்டளை, கலாம் நண்பர்கள், ஸ்ரீ முருகப் பெருமான் அன்னதான குழு, பி.பி அக்ரஹாரம் இளைஞர்கள் சங்கம் மற்றும் ஈரோடு மாவட்ட ரத்ததான ஒருங்கிணைப்பாளர்கள் கூட்டமைப்பின் சார்பாக இலவச பொது கண் மற்றும் பல் மருத்துவ முகாம் பி.பி அக்ரஹாரம் ஜோசப் தோட்டத்தில் நடைபெற்றது.

இந்த மருத்துவ முகாமில் பிவெல் மருத்துவமனை, விஜயா பிசியோ சென்டர், தி டென்டல் பவுண்டேஷன், டாக்டர்.அகர்வால் கண் மருத்துவமனை ஆகிய மருத்துவமனைகள் இணைந்து பொதுமக்களுக்கு இலவசமாக மருத்துவ ஆலோசனை மற்றும் சிகிச்சை அளித்தனர்.

இந்த மருத்துவ முகாமில் 300-க்கும் மேற்பட்ட பொதுமக்கள் கலந்து கொண்டு பயனடைந்தனர். இதுபோன்று பொது மக்களுக்கு பயன்படும் வகையில் பல்வேறு உதவிகளை செய்து வரும் சமூக ஆர்வலர் முத்து பாவா விற்கு அப்பகுதி சமூக ஆர்வலர்கள் வெகுவாக பாராட்டி வருகின்றனர்.