உலக தேசிய டெங்கு தினம் கொண்டாட்டம்!

வேலூர் மாநகராட்சி ஆணையர் ஜானகி ரவீந்திரன் உத்தரவின் பேரில், காட்பாடி மண்டலம் 1 காந்திநகர் பகுதியில் உலக தேசிய டெங்கு தினம் கொண்டாடப்பட்டது. இந்த நிகழ்ச்சியில் மாவட்ட பூச்சியில் வல்லுனர் முனுசாமி, மாநகர நல அலுவலர் எஸ். ஆர். கணேஷ், சுகாதார அலுவலர் டாக்டர் சிவக்குமார், பொது சுகாதார மேலாளர் சரவணன், சுகாதார ஆய்வாளர்கள், மேற்பார்வையாளர்கள், தூய்மை பாரத இயக்க பரப்புரையாளர்கள், டெங்கு ஒழிப்பு பணியாளர்கள் என அனைவரும் கலந்து கொண்டு சிறப்பித்தனர்.

அனைவரும் டெங்கு உறுதி மொழியை எடுத்துக் கொண்டனர். மேலும் டெங்கு காய்ச்சல் வராமல் தடுக்க பயன்படுத்தப்படும் உபகரணங்களை வைத்து பொதுமக்களுக்கு விழிப்புணர்வு ஏற்படுத்தினர். வாகனத்தில் செல்லும் பொதுமக்களுக்கு டெங்கு தடுப்பு குறித்து விழிப்புணர்வு துண்டு பிரசுரங்கள் விநியோகம் செய்யப்பட்டது. இந்நிகழ்ச்சி காட்பாடி 1வது மண்டல சுகாதார அலுவலர் டாக்டர் சிவக்குமார் மேற்பார்வையில் நடந்தது குறிப்பிடத்தக்கது.