ஓசூர் குடியிருப்பு பகுதிகளில் சுற்றித் திரியும் இரண்டு நாய்கள் உயிரிழப்பு விஷம் வைத்துக் கொல்லப்பட்டதா என போலீசார் விசாரணை

கிருஷ்ணகிரி மாவட்டம் ஓசூர் அருகே விஜயநகர் குடியிருப்பு பகுதிகளில் சுற்றித்திரிந்த இரண்டு நாய்கள் துடிதுடித்து இறந்துள்ளது, இதைப் பார்த்த அப்பகுதி சமூக ஆர்வலர் விஷம் வைத்துக் கொல்லப்பட்டிருக்கலாம் என போலீசில் புகார் அளித்துள்ளார், உரிய நடவடிக்கை எடுக்க வேண்டும் எனவும் கோரிக்கை விடுத்துள்ளார்

விஜயநகர் குடியிருப்பு பகுதிகளில் ஏராளமான தெருநாய்கள் சுற்றித்திரிந்து கொண்டு வருகிறது, நாய்களுக்கு அப்பகுதி மக்கள் மீதமான உணவுப் பொருட்கள், மாமிச உணவு வகைகளை வழங்கி வருகின்றனர், இந்த நிலையில் அந்த நாய்கள் வழியில் செல்பவர்களை துரத்தி துன்புறுத்துவதாக கூறப்படுகிறது

இதனால் நாய்களால் அச்சுறுத்தல் ஏற்படுவதாக சில சமூக விரோதிகள் நாய்களுக்கு விஷம் வைத்துக் கொல்லப்பட்டதாக கூறப்படுகிறது, இதனால் முதலில் ஒரு நாய் இறக்க மற்றொரு நாய் உயிருக்கு போராடி துடிதுடித்துக் கொண்டிருந்தது அதைப் பார்த்த அப்பகுதி சமூக ஆர்வலர் நாயை உடனடியாக கால்நடை மருத்துவமனைக்கு கொண்டு சென்றார் ஆனால் அங்கு சிகிச்சை பலனின்றி அந்த நாயும் இறந்து விட்டது

இதனால் அதிர்ச்சியடைந்த சமூக ஆர்வலர் பிரபு நாய் இறப்புக்கு காரணமானவர்கள் மீது தக்க நடவடிக்கை எடுக்க வேண்டும் என காவல்துறையில் புகார் அளித்துள்ளதாக தெரிவித்தார்