கமல் அடுத்தாக சூர்யாவை வைத்து படம் தயாரிக்கவுள்ளதாக ஏற்கனவே குறிப்பிட்டிருந்த நிலையில் சமீபத்தில் உறுதி செய்துள்ளார் கமல்.
அதிக எதிர்பார்ப்புக்கு இடையில் வெளியாகவுள்ள விக்ரம் படத்தை மாநகரம், கைதி, மாஸ்டர் என ஹிட் படங்களை கொடுத்த லோகேஷ் கனகராஜ் இயக்கியுள்ளார். இப்படத்தில் பகத் பாசில், சூர்யா, விஜய் சேதுபதி, காளிதாஸ் ஜெயராம், நரேன், அர்ஜுன் தாஸ் என மிகப்பெரிய நட்சத்திர பட்டாளமே நடித்துள்ளது.
அனிருத் இசையில், கிரீஷ் கங்காதரன் ஒளிப்பதிவு செய்ய பிரம்மாண்டமாக தயாராகி உள்ளது விக்ரம். ராஜ்கமல் பிலிம்ஸ் சார்பில் கமல்ஹாசன் தயாரித்துள்ளார்.இந்த படம் இந்தி, கன்னடம், மலையாளம், தெலுங்கு போன்ற மொழிகளிலும் டப்பிங் செய்யப்பட்டு பான் இந்தியா படமாக ஜூன் 3-ல் வெளியிடப்பட உள்ளது. தமிழக உரிமையை உதயநிதி ஸ்டாலின் கைப்பற்றியுள்ளார்.
ஓய்வு பெற்ற காவல் அதிகாரியாக கமல் நடிக்கும் இந்த படத்தில் கிளைமேக்சில் நாயகனின் வாரிசாக சூர்யா நடித்துள்ளார் என தகவல் வெளியாகியுள்ளது. இதையடுத்து விக்ரம் படம் தொடர்சியாக உருவாக்கவுள்ள அடுத்த படத்தில் சூர்யா தான் கதாநாயகனாக நடிக்கவுள்ளதாக ஒரு தகவல் பரவி வருகிறது. இந்நிலையில் சூர்யா தன்னனுடன் இணைவது குறித்து விரைவில் செய்தி வெளியாகும் என கமல் கூறியுள்ளார்.
சூர்யா தற்போது பாலாவுடன் 41 வது படம், வெற்றி மாறனின் வாடிவாசல் உள்ளிட்ட படங்களில் பிசியாக உள்ளார். இந்த படங்களை தொடர்ந்து கமல் இயக்கத்தில் அல்லது கமலுடன் சூர்யா விரைவில் இணைவார் என தகவல் வெளியாகியுள்ளது.
