காரம்பாக்கத்தில் தண்ணீர் பந்தல் திறப்பு மூட்டையில் இருந்த பழங்களை எடுக்க மல்லுக்கட்டி சண்டையிட்ட பெண்களால் பரபரப்பு

மதுரவாயல் காரம்பாக்கத்தில் தண்ணீர் பந்தல் திறப்பு நிகழ்ச்சி அதிமுக சார்பில் முன்னாள் அமைச்சர் பெஞ்சமின் தலைமையில் நடைபெற்றது.

இதனை 150 ஆவது வட்டம் சார்பில் மகேஷ் ஏற்பாடு செய்திருந்த நிலையில் பொதுமக்களின் தாகத்தை தணிக்க தர்பூசணி பழம் கிருணி பழம் , மாம்பழம் வெள்ளரிக்காய் உள்ளிட்ட பழ வகைகள் மற்றும் மோர் , ரோஸ்மில்க் உள்ளிட்ட குளிர்ச்சி பானங்கள் உள்ளிட்டவற்றை வழங்கினார் .

இந்த நிகழ்ச்சியின் போது நீர்மோர் பந்தலில் தரப்படும் பொருட்களை வாங்க அப்பகுதியைச் சேர்ந்த பெண்கள் கூட்டமாக கூடியதால் பரபரப்பு ஏற்பட்டது மேலும் பெண்களுக்குள் தள்ளுமுள்ளு ஏற்பட்ட நிலையில் பழ மூட்டையை பிடித்துக் கொண்டு பெண்கள் மாறி மாறி இழுத்தும் கட்டிப்பிடித்துக் கொண்டு தரமாட்டேன் என மல்லுக்கட்டிய சம்பவம் பெரும் பரபரப்பை ஏற்படுத்தியது மேலும் அதிமுகவினர் தண்ணீர் பந்தல் திறப்பு நிகழ்ச்சியில் பெண்கள் மாறி மாறி திட்டிக் கொண்டும் அடித்து கொண்டும் பழங்களை எடுக்க போட்டி போட்டதும் சலசலப்பு ஏற்படுத்தியது.

மேலும் தண்ணீர் பந்தல் திறப்பு குறித்து அதிமுக சார்பில் வைக்கப்பட்டிருந்த பேனர் சாலையில் சென்ற கார் மீது விழுந்ததால் பரபரப்பு ஏற்பட்டது அதனைத் தொடர்ந்து அந்த பேனரை அதிமுகவினர் அப்புறப்படுத்தினர்.