குத்தாலம் பகுதியில் எம்.ஜி.ஆரின் 35-வது நினைவு நாள் அதிமுகவினர் அஞ்சலி செலுத்தினர்.

மயிலாடுதுறை மாவட்டம் குத்தாலத்தில் அதிமுக வடக்கு ஒன்றியம் மற்றும் நகர கழகம் சார்பில் மறைந்த முன்னாள் முதலமைச்சர் எம்.ஜி.ஆரின் 35-வது நினைவு நாள் சனிக்கிழமை அனுசரிக்கப்பட்டது.

 

இதனை முன்னிட்டு கடைவீதியில் அலங்கரித்து வைக்கப்பட்டிருந்த எம்.ஜி.ஆரின் உருவப்படத்திற்கு வடக்கு ஒன்றிய செயலாளர் மகேந்திரவர்மன் தலைமையில் நகர செயலாளர் எம்.சி.பாலு.மாவட்ட தகவல் தொழில்நுட்ப அணி தலைவர் எம்.சி.பி.ராஜா ஆகியோர் மாலை அணிவித்து அஞ்சலி செலுத்தினர்.

 

அதனை தொடர்ந்து நகர நிர்வாகிகள் கண்ணையன், மணிசுந்தர், ஜெயபாலகிருஷ்ணன், கல்யாணிசுந்தர் உள்ளிட்ட நிர்வாகிகள் மற்றும் தொண்டர்கள் திரளாக மலர் தூவி மரியாதை செலுத்தினர்.

இதுபோல் குத்தாலம் தெற்கு ஒன்றிய அதிமுக சார்பில் மங்கநல்லூர் கடைவீதியில் அலங்கரித்து வைக்கப்பட்டிருந்த எம்.ஜி.ஆரின் உருவப்படத்திற்கு மாலை அணிவித்து அஞ்சலி செலுத்தப்பட்டது. குத்தாலம் ஒன்றியத்தில் உள்ள அனைத்து கிராமங்களிலும் எம்.ஜி.ஆரின் படம் வைத்து அஞ்சலி செலுத்தப்பட்டது.