கோவில்பட்டி பகுதிகளில் பைக்கில் லிப்ட் கொடுத்தவர்களை அடித்து, உதைத்து நகை,பணம், செல் போன் மற்றும் உடமைகளை வழிப்பறி செய்யும் கும்பல்

தூத்துக்குடி மாவட்டம் கோவில்பட்டி நகரில் வழிப்பறி என்பது நாளுக்குநாள் அதிகரித்து வருகிறது. தனியாக செல்லும் ஆண்களிடம் லிப்ட் கேட்டு சென்று பின்னர் கத்தி போன்ற ஆயுதங்களை காண்பித்து நகை, பணம், செல், போன் ஆகியவற்றை பறிமுதல் செய்வது மட்டுமின்றி, தரமறுப்பவர்களை அடித்து துவைத்து அனுப்பவுது மட்டுமின்றி, அவர்களை நிர்வாணமாக வீடியோ எடுத்து வெளியே சொன்னால் வீடியோவினை சமூக வளைதளங்களில் வெளியிட்டு வீடுவோம் என்ற அந்த கும்பல் மிரட்டும் சூழ்நிலை உள்ளது.

கடந்த சில தினங்களுக்கு இறைச்சிக்கடை தொழிலாளி ஒருவர் வேலாயுதபுரம் பகுதியில் உள்ள பெட்ரோல் பல்க்கில் தனது இருசக்கர வாகனத்திற்கு பெட்ரோல் போட்டுவிட்டு வீட்டிற்கு கிளம்பிய போது 15வயது மதிக்கதக்க இளைஞர் ஒருவர் சாலையில் சென்ற பஸ்சினை காண்பித்து தனது நண்பர் அந்த பஸ்சில் செல்வதாகவும், தான் பஸ்சினை மிஸ் பண்ணிவிட்டதாகவும், அந்த பஸ்சினை பிடிக்க உதவி செய்யுமாறு கேட்டுள்ளார். இதனை நம்பிய அந்த இறைச்சிக்கடை ஊழியரும் அந்த இளைஞருக்கு லிப்ட் கொடுத்துள்ளார்.

இருசக்கர வாகனம் கிளம்பிய சில நிமிடங்களில் பின்னால் அமர்ந்து இருந்த அந்த இளைஞர், இறைச்சிக்கடை ஊழியர் முதுகில் கத்தியை வைத்து, தான் சொல்லும் இடத்திற்கு வாகனத்தினை விட வேண்டும், இல்லைன்றால் கொலை செய்து விடுவேன் என்று மிரட்டியதாகவும், வேறு வழி இல்லாமல் அந்த இளைஞர் சொன்னபடி இறைச்சிக்கடை ஊழியர் இருசக்கரவாகனத்தினை செலுத்தியுள்ளார்.

 

அப்பகுதியில் உள்ள கண்மாய் அருகே சென்ற போது இருசக்கர வாகனத்தினை நிறுத்த இளைஞர் சொல்லியுள்ளார். அதன்படி இறைச்சிக்கடை ஊழியர் நிறுத்தியதும். அங்கு நின்று இருந்த 2 பேர் இருசக்கர வாகனத்தின் சாவியை எடுத்தது மட்டுமின்றி, இறைச்சிக்கடை ஊழியரை பிடித்து இழுத்துச் சென்றுள்ளனர். கண்மாய் கரையின் ஓரத்தில் அதிகமாக இருந்த வேலி பகுதிக்கு சென்றுதும் அங்கு ஏற்கனவே 3 பேர் இருந்துள்ளனர். 6 பேரும் சேர்ந்து இறைச்சிக்கடை ஊழியர் கழுத்தில் அணிந்து இருந்து வெள்ளி செயின், அரைஞாண் கொடி, மோதிரம், செல்போன ஆகியற்றை பறித்துகொண்டு தாக்கியுள்ளனர். செல்போனில் இருந்த ஜி பே, போன் பே ரகசிய எண்ணை கேட்டுள்ளனர். இறைச்சிக்கடை ஊழியர் தர மறுக்கவே 6 பேரும் சேர்ந்து இறைச்சிகடை ஊழியரை கும்கும்ன்று கும்மியுள்ளனர். சிறிது நேரம் கழித்து இருச்சக்கர வாகனத்தினை மட்டும் கொடுத்து திரும்பி பார்க்கமால் செல்ல வேண்டும் என்று தெரிவித்துள்ளனர்.

இதையெடுத்து இறைச்சிக்கடை ஊழியர் தப்பித்தோம், பிழைத்தோம் என்று அங்கிருந்து தப்பி கோவில்பட்டி அரசு மருத்துவனையில் சிகிச்சைகாக சேர்ந்தார். மேலும் இது குறித்து கோவில்பட்டி கிழக்கு காவல் நிலையத்தில் புகாரும் அளித்தார். போலீசாரும் விசாரணை நடத்தி வருகின்றனர்.