சங்ககிரி சட்டமன்ற தொகுதி வாக்குச்சாவடி பொறுப்பாளர்கள் கலந்தாய்வுக் கூட்டம்.

சங்ககிரியில் சேலம் மேற்கு மாவட்ட திமுக சார்பில், சங்ககிரி சட்டமன்ற தொகுதி வாக்குச்சாவடி பொறுப்பாளர்கள் கலந்தாய்வுக் கூட்டம் நடைபெற்றது. சேலம் மேற்கு மாவட்ட தலைவர் தங்கமுத்து வரவேற்றார். சங்ககிரி சட்டமன்ற தொகுதி பார்வையாளர் முருகவேல் முன்னிலை வகித்தார்.

சேலம் மேற்கு மாவட்ட செயலாளர் டி.எம். செல்வகணபதி தலைமை வகித்து தேர்தலின்போது வாக்குச்சாவடி பொறுப்பாளர்கள் எவ்வாறு செயல்பட வேண்டும் என விளக்கி பேசினார். இந்த நிகழ்ச்சியில், சேலம் மேற்கு மாவட்ட துணை செயலாளர்கள் சுந்தரம், சம்பத்குமார், ஒன்றிய செயலாளர் ராஜேஸ், பேரூர் செயலாளர் முருகன், பேரூராட்சி மன்றத் துணைத் தலைவர் அருண் பிரபு உள்ளிட்ட பலர் கலந்து கொண்டனர்.