மீண்டும் சூப்பர் ஹிட் இயக்குனருடன் கூட்டணி. சூர்யா படம் குறித்து பிரபல இசையமைப்பாளர் வெளியிட்ட புதிய தகவல் !

‘சூரரைப்போற்று’ இயக்குனருடன் மீண்டும் ஒரு படத்தில் நடிகர் சூர்யா நடிக்கவுள்ளதாக இசையமைப்பாளர் ஜி.வி.பிரகாஷ் தெரிவித்துள்ளார்.

சூர்யாவின் நடிப்பில் வெளியாகி ரசிகர்களிடையே நல்ல விமர்சனங்களை பெற்றுள்ள இப்படம் ‘சூரரைப்போற்று’. பட்ஜெட் விமானத்தை உருவாக்கி மக்களிடையே விழிப்புணர்வை ஏற்படுத்திய சாதனை மனிதர் ஜி.ஆர்.கோபிநாத்தின் வாழ்க்கையை அடிப்படையாக வைத்து இப்படம் உருவானது. சுதா கொங்கரா இயக்கத்தில் உருவான இப்படம் கொரானா நேரத்தில் கடந்த ஆண்டு ஓடிடியில் வெளியானது.

இந்த படத்திற்கு ‘ஜெய் பீம்’ படத்தில் சூர்யா நடித்தார். தற்போது பாண்டியராஜ் இயக்கத்தில் ‘எதற்கும் துணிந்தவன்’ படத்தில் நடித்துள்ளார். இந்த திரைப்படம் வரும் மார்ச் 11-ஆம் தேதி வெளியாகவுள்ளது. இந்த படத்தை முடித்து பாலா இயக்கத்தில் ஒரு படம், வாடிவாசல், சிறுத்தை சிவா இயக்கத்தில் ஒரு படம் என வரிசையாக அடுத்தடுத்து நடிக்க உள்ளார்.

இந்நிலையில் சூரரைப்போற்று சூப்பர் ஹிட் வெற்றிக்கு பிறகு மீண்டும் சுதா கொங்கராவுடன் சூர்யா கூட்டணி அமைக்கவுள்ளார். இந்த படத்திற்கான பணிகள் நடைபெற்று வருவதாகவும், இந்த ஆண்டு இறுதிக்குள் இப்படத்தின் அதிகாரப்பூர்வ அறிவிப்பு வெளியாகும் என பிரபல இசையமைப்பாளர் ஜி.வி.பிரகாஷ், தனது ட்விட்டர் பக்கத்தில் தெரிவித்துள்ளார்.