நடிகர் விவேக் நினைவாக கோவையில் உருவாகிறது `பி ஹேப்பி’ வன பூங்கா!

‘சிறுதுளி’ அமைப்பின் 19-ம் ஆண்டு விழாவை முன்னிட்டு, நடிகர் விவேக் நினைவாக அமைக்கப்பட உள்ள இந்த வனத்துக்கு, பச்சாபாளையத்தில் நேற்று முன்தினம் பூமி பூஜை நடந்தது. இது குறித்து ‘சிறுதுளி’ அமைப்பின் நிர்வாகிகள் கூறுகையில், “நடிகர் விவேக் இயற்கையை பெரிதும் நேசித்தவர். ஏராளமான மரங்களை வளர்த்து, மக்களிடம் சுற்றுச்சூழல் ஆர்வத்தை விதைத்தவர். சிறுதுளி அமைப்புடன் இணைந்து, பல்வேறு பணிகளை அவர் செய்துள்ளார். அவரின் நினைவாக ஒரு ஏக்கரில், ‘பி ஹேப்பி’ வனம் என்ற பூங்கா அமைக்கப்படுகிறது. வெகுவிரைவில் பொதுமக்கள் பயன்பாட்டிற்கு வரும்” என்றனர்.

நடிகர் விவேக் பேசிய சினிமா வசனங்களில், ‘பி ஹேப்பி’ என்ற வார்த்தையும் மிகவும் பிரபலம். இதை வைத்து ‘மீம்ஸ்’களும் அவ்வப்போது வெளிவரும். அந்த வார்த்தையை மையப்படுத்தியே வனம் அமைய உள்ளது.