பைக்கில் ஜாலி ரைடு வைரலாகும் அஜித்தின் லேட்டஸ்ட் க்ளிக்ஸ்.

அல்டிமேட் ஸ்டார் அஜித்குமார் தான் நடித்துக் கொண்டிருக்கும் ஏகே61 திரைப்படத்தின் படப்பிடிப்புகள் 90 சதவீதம் முடிந்துவிட்ட நிலையில், ஓயாத வேலை பளுவில் இருந்து சிறிது காலம் ஓய்வில் இருக்கிறார். துப்பாக்கிசூடு, பைக் சாகசம் உள்ளிட்ட பல்வேறு திறமைகளைக் கொண்ட அஜித்குமார் எப்போதும் சுறுசுறுப்பாக இருப்பவர். எனவே தனது ஓய்வு நாட்களை வீணடிக்க விரும்பாத அவர், வெளிநாட்டுக்கு புறப்பட்டுவிட்டதாக கூறப்படுகிறது.

அஜித்குமார், ஹீமா குரேஷி நடிப்பில் வெளியான வலிமை திரைப்படம் வெற்றி பெற்றதைத் தொடர்ந்து தற்போது ஏகே61 என்ற திரைப்படம் போனி கபூர் தயாரிப்பில் உருவாகி வருகிறது. இந்த படத்தில் அஜித்குமார் இரட்டை வேடங்களில் கலக்கி வருகிறார் என்று தகவல்கள் வெளியாகி உள்ளன.

கடந்த சில நாட்களாக இத்திரைப்படத்தின் படப்பிடிப்பு ஐதராபாத்தில் நடந்து வந்த நிலையில் இறுதிகட்டத்தை எட்டியுள்ளது. இதைத்தொடர்ந்து நடிகர் அஜித்குமாரின் காட்சிகள் 90 சதவீதம் முடிந்த நிலையில் மற்ற நடிகர், நடிகைகளின் காட்சிகள் படமாக்கப்பட்டு வருவதாக கூறப்படுகிறது.

இந்நிலையில் தனக்கு கிடைத்த ஓய்வு நாட்களை சுவாரசியமாக மாற்றிக் கொள்ள நடிகர் அஜித்குமார், இங்கிலாந்து சென்றுள்ளார். அங்குள்ள தெருக்களில் சர்வசாதாரணமாக பைக் டிரிப் அடித்துக் கொண்டிருக்கிறார். அது தொடர்பான புகைப்படங்கள் சமூக வலைதளங்களில் வெளியாக பட்டையை கிளப்பிக் கொண்டிருக்கிறது. விலை உயர்ந்த பிஎம்டபிள்யூ பைக்கில் அவர் பைக் ரைடு சென்ற போது பார்ப்பதற்கே கெத்தாக இருக்கிறார் என்று அஜித்தின் ரசிகர்கள் உற்சாகமடைந்துள்ளார்கள்.