8 மணி நேர வேலையை 12 மணி நேரமாக உயர்த்தும் சட்டத்தை நிறைவேற்றிய தமிழக அரசை கண்டித்து ராஜபாளையத்தில் ஏஐடியுசி சார்பில் ஆர்ப்பாட்டம் நடைபெற்றது.

விருதுநகர் மாவட்டம் ராஜபாளையம் ஜவஹர் மைதானம் எதிரே நடைபெற்ற ஆர்ப்பாட்டத்தில் ஏஐடியுசி தொழிற் சங்கத்தை சேர்ந்த ஏராளமானோர் கலந்து கொண்டனர்.

 

 

8 மணி நேர வேலை நேரத்தை 12 மணி நேரமாக உயர்த்திய தொழிலாளர் நல திருத்த சட்டத்தை, சட்ட மன்றத்தில் நிறைவேற்றிய தமிழக அரசை கண்டித்தும், தொழிலாளர் விரோத போக்கை கண்டித்தும், தொழிலாளர் உரிமையை பறிக்கும் செயல் எனவும், நிறைவேற்றப்பட்ட சட்டத்தை திரும்ப பெற வலியுறுத்தியும் போராட்டத்தில் ஈடுபட்டவர்கள் முழக்கமிட்டனர்.

ம.வெள்ளானைப்பாண்டியன் ராஜபாளையம்.