ஒன்பதரை மணி நேரத்தில் 19000 சதுர அடி கோட்டிங் செய்து புதிய சாதனை, ஏசியன் புக் ஆப் ரெக்கார்டு அங்கீகரித்து சான்றிதழ் வழங்கியது

மயிலாடுதுறையில் உலக சாதனை, 10 மணி நேரத்தில், 10 பெண் வேலையாட்கள் சேர்ந்து கட்டிடத்தின் மேற்கூரையில் நீர்க்கசிவு கோட்டிங் செய்யும் சாதனை நிகழ்ச்சி ஒன்பதரை மணி நேரத்தில் 19000 சதுர அடி கோட்டிங் செய்து புதிய சாதனை, ஏசியன் புக் ஆப் ரெக்கார்டு அங்கீகரித்து சான்றிதழ் வழங்கியது :-

மயிலாடுதுறை மாவட்டம் மயிலாடுதுறை தலைமை இடமாகக் கொண்ட கட்டிடத்துறை நிறுவனம் (பில்டிங் டாக்டர்) என்ற நிறுவனம் பெண் சித்தாள்களை வைத்து புது சாதனை நிகழ்ச்சி ஒன்றை நடத்தியது. தருமபுரம் ஆதீனத்திற்கு சொந்தமான குருஞானசம்பந்தர் மெட்ரிக் மேல்நிலைப் பள்ளியின் மேற்கூரையில் 10 மணி நேரத்தில் 10 பெண் பணியாளர்கள் இணைந்து நீர்க்கசிவை தடுக்கும் கோட்டிங் செய்யும் நிகழ்ச்சி நடைபெற்றது. இதற்காக கடந்த ஒரு வார காலமாக பயிற்சி எடுத்த பெண் பணியாளர்கள் (சித்தாள்கள்) இயந்திரங்கள் உதவியுடன் மேற்கூறையை நீர் மற்றும் காற்றை வேகமாக செலுத்தி சுத்தம் செய்தனர் தொடர்ந்து, கோட்டிங் செய்தனர். 10 மணி நேரத்தில் 10 ஆயிரம் சதுர அடி கோட்டிங் செய்ய இலக்கு நிர்ணயிக்கப்பட்ட நிலையில் ஒன்பதரை மணி நேரத்தில் 19,200 சதுர அடி நீர்க்கசிவு பூச்சு பூசப்பட்டது. இதனை ஏசியன் புக் ஆப் ரெகார்ட் நிறுவனம் அங்கீகரித்து சான்றிதழ் வழங்கியது. தொடர்ந்து சாதனை நிகழ்ச்சியில் பங்கேற்ற பெண் பணியாளர்களுக்கு மாண்புமிகு மகளிர் என்ற விருது வழங்கப்பட்டது.