குழந்தை இல்லாத விரக்தியில் கணவன்- மனைவிக்குள் ஏற்பட்ட தகராறு காரணமாக மனைவி தூக்கிட்டு தற்கொலை செய்து கொண்ட சம்பவம்.

இந்த நிலையில் நேற்று பெரமண்டூருக்குச் சென்ற அசோக், மனைவியை சமாதானம் செய்து வைரபுரத்துக்கு கூட்டிச் சென்றுள்ளார். அப்போதும், கணவன் – மனைவி இடையே தகராறு ஏற்பட்டுள்ளது. இதனை தொடர்ந்து, அவர் வெளியே புறப்பட்டு சென்றுள்ளார். அப்போது, வீட்டில் தனியாக இருந்த ஷர்மிளா தூக்கிட்டு தற்கொலை செய்து கொண்டார். வெளியே சென்றுவிட்டு வீட்டிற்கு வந்த அசோக், மனைவி தூக்கில் தொங்குவதைக் கண்டு அதிர்ச்சியடைந்தார்.

இதுகுறித்த தகவலின் பேரில் வெள்ளிமேடுபேட்டை போலீஸார், ஷர்மிளாவின் உடலை கைப்பற்றி பிரேத பரிசோதனைக்காக திண்டிவனம் அரசு மருத்துவமனைக்கு அனுப்பி வைத்தனர். மேலும், இந்த சம்பவம் குறித்து வழக்கு பதிவு செய்து விசாரித்து வருகின்றனர். திருமணமான 2 ஆண்டுகளில் ஷர்மிளா உயிரிழந்ததால் இந்த சம்பவம் குறித்து திண்டிவனம் சார் ஆட்சியர் விசாரணைக்கு பரிந்துரைக்கப்பட்டுள்ளது.