மார்ச் 20-ல் ’பீஸ்ட்’ பாடல் வெளியீடு.

விஜய் நடித்துள்ள ’பீஸ்ட்’ படத்தின் பாடல்கள் வரும் 20 ஆம் தேதி சென்னையில் வெளியிடப்பட இருப்பதாகக் கூறப்படுகிறது.

நடிகர் விஜய் இப்போது, நெல்சன் திலீப்குமார் இயக்கியுள்ள ’பீஸ்ட்’ படத்தில் நடித்துள்ளார். இந்தப் படத்தில் விஜய் ஜோடியாக பூஜா ஹெக்டே நடித்துள்ளார். மேலும், யோகி பாபு, செல்வராகவன் உள்பட பலர் நடித்துள்ளனர்.

அனிருத் இசையமைத்துள்ள இந்த படத்தை சன் பிக்சர்ஸ் நிறுவனம் தயாரிக்கிறது. இந்தப் படத்தின் ’அரபிக் குத்து’ பாடல் சமீபத்தில் வெளியாகி அதிக வரவேற்பை பெற்றுள்ளது. பாடல் வெளியான 20 நாட்களில் 120 மில்லியன் பார்வைகளைப் பெற்று சாதனைப் படைத்துள்ளது.

இந்நிலையில் இந்தப் படத்தில் பாடல் வெளியீட்டு விழா வரும் 20 ஆம் தேதி சென்னையில் நடைபெற இருப்பதாகக் கூறப்படுகிறது. வழக்கமாக விஜய் படத்தின் பாடல் வெளியீட்டு விழாவுக்கு முக்கியத்துவம் இருக்கும். அதில் நடிகர் விஜய் பேச்சு பரபரப்பாக இருக்கும். அதனால், இந்தப் பாடல் வெளியீட்டு விழாவுக்கும் எதிர்பார்ப்பு ஏற்பட்டுள்ளது.