பட்டப் பகலில் வீடு புகுந்த கொள்ளையர்கள், வீட்டிலிருந்த பெண்களின் கழுத்தில் கத்தியை வைத்து மிரட்டி 50 சவரன் நகைகளை கொள்ளையடித்துச் சென்ற சம்பவம்.

அதன்பிறகு மற்றொரு அறையில் இருந்த பீரோவை உடைத்து அதில் இருந்த தங்க வளையல், மோதிரங்கள் உள்ளிட்ட நகைகளை கொள்ளையடித்து கொண்டு வீட்டின் கதவையும் வெளிப்புறமாக தாளிட்டு விட்டு தப்பிச் சென்றுவிட்டனர்.

பள்ளிவாசலுக்கு சென்றிருந்த அப்துர் ரஹீம் தொழுகை முடித்துவிட்டு வீட்டுக்கு வந்த போது வீடு வெளிப்புறம் தாளிடப்பட்டிருந்ததைக் கண்டு அதிர்ந்தார். அவர் கதவைத் தட்டவும் உள்ளிருந்து அவரது மனைவியின் குரல் கேட்கவும் சரியாக இருந்தது.

கதவைத் திறந்து கொண்டு உள்ளே சென்றவர் சமயலறையிலிருந்து மனைவியையும் மருமகளையும் திறந்துவிட்டு ஆசுவாசப்படுத்தினார். அதன்பின் என்ன நடந்தது என்று கேட்க இருவரும் பதற்றம் விலகாமல் நடந்ததைச் சொன்னார்கள். விவரம் தெரிந்தவுடன் அப்துர் ரஹீம் உடனடியாக உளுந்தூர்பேட்டை போலீஸாருக்கு தகவல் தெரிவித்தார்.

அதையடுத்து கொள்ளை நடந்த வீட்டிற்கு வந்த போலீஸார் நடந்த விவரங்களை விசாரித்து தெரிந்துகொண்டு, தடயங்களை சேகரித்தனர். மேலும் இதுகுறித்து வழக்கு பதிவு செய்து விசாரணை நடத்தி வருகின்றனர். பட்டப்பகலில் வீடு புகுந்து கொள்ளையடித்து சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.