பாஜக சார்பில் நடைபெற உள்ள பொதுக்கூட்டத்தில் பங்கேற்க வருகை தந்த எச்.ராஜா வுக்கு எதிர்ப்பு; விடுதலைச் சிறுத்தைகள் கட்சியினரை போலீசார் கைது.

தூத்துக்குடி மாவட்டம் கோவில்பட்டியில் பா.ஜ.க. சார்பில் அக்கட்சியின் 8 ஆண்டு கால சாதனை மற்றும் பட்ஜெட் விளக்க பொதுக்கூட்டம் இன்று இரவு நடைபெற உள்ளது. இந்த கூட்டத்தில் சிறப்பு அழைப்பாளர்களாக பா.ஜ.க. தேசிய செயற்குழு உறுப்பினர் எச்.ராஜா, கலந்து கொண்டு பேச உள்ளார்.

 

இதை அறிந்த தூத்துக்குடி வடக்கு மாவட்ட விடுதலை சிறுத்தைகள் கட்சி மாவட்ட செயலாளர் கதிரேசன் தலைமையில் வழக்கறிஞர் அணி மாநில துணை செயலாளர் பெஞ்சமின் பிராங்க்ளின் முன்னிலையில் சமூக வலைத்தளங்களில் தொடர்ந்து தொல்.திருமாவளவன் எம்.பி. பற்றி அவதூறாக பேசி வரும் எச்.ராஜா கோவில்பட்டி பொதுக்கூட்டத்தில் பங்கேற்க கூடாது,

 

 

என எதிர்ப்பு தெரிவித்து கருப்பு கொடிகளுடன் மந்திதோப்பு ரோடு சந்திப்பில் திரண்டனர். தகவல் அறிந்து அங்கு விரைந்து வந்த போலீசார் 50ம் மேற்பட்ட விடுதலைச் சிறுத்தைகள் கட்சி சேர்ந்தவர்களை போலீசார் கைது செய்தனர்.

கோவில்பட்டி செய்தியாளர் அ.சிவராமலிங்கம்.