‘அனைவரின் வீடுகளிலும் தேசியக்கொடி ஏற்றுங்கள்’ – பிரதமர் மோடி வேண்டுகோள்!

இந்தியா சுதந்திரம் பெற்ற 75 -வது ஆண்டினை கொண்டாடும் விதமாக, ‘சுதந்திர ஆண்டின் அமுதப் பெருவிழா’ என்ற பெயரில் மத்திய அரசு பல்வேறு நிகழ்ச்சிகளுக்கு ஏற்பாடு செய்துள்ளது. இந்த நிலையில் சுதந்திர தினத்தை கொண்டாடும் வகையில் ஆகஸ்ட் 13 முதல் 15-ம் தேதி வரை மூன்று நாட்களுக்கு நாட்டு மக்கள் அனைவரும் தங்கள் வீடுகளில் தேசியக்கொடியை ஏற்றுமாறு பிரதமர் நரேந்திர மோடி அழைப்பு விடுத்துள்ளார். வீடுகளில் தேசியக் கொடியேற்றும் இந்த இயக்கம், தேசியக்கொடியுடனான நமது பிணைப்பை மேலும் அதிகரிக்கும் என்றும் பிரதமர் தெரிவித்துள்ளார்.