அமைச்சர் கே.கே.எஸ்.எஸ்.ஆர் உங்கள் தலையில் அடித்தது ஏன்?- சர்ச்சையான வீடியோ குறித்து பெண் விளக்கம்!
வருவாய்த்துறை அமைச்சர் கே.கே.எஸ்.எஸ்.ஆர். ராமச்சந்திரன் பெண்ணின் தலையில் பேப்பரால் தட்டியதாக வீடியோ வெளியான நிலையில், அப்பெண் இன்று செய்தியாளர்களை சந்தித்து, என்னை அவர் செல்லமாக தலையில் தட்டியதாக தெரிவித்துள்ளார்.
தமிழக வருவாய்த்துறை அமைச்சர் கே.கே.எஸ்.எஸ்.ஆர். ராமச்சந்திரன், பெண் ஒருவரை தனது கையில் வைத்திருந்த பேப்பரால் தாக்குவது போன்ற வீடியோவை அண்ணாமலை தனது ட்விட்டர் பக்கத்தில் பதிவிட்டிருந்தார். மேலும் அதில், “மக்கள் என்ன உங்கள் அடிமைகளா? விருதுநகர், பாலவநத்தம் கிராமத்தில் தீர்வு தேடி வந்த ஏழைத்தாயை அடித்த திமுக அமைச்சர் கே.கே.எஸ்.எஸ்.ஆர்.ராமச்சந்திரன் அடுத்த 48 மணி நேரத்திற்குள் பதவி விலக வேண்டும். அல்லது அவரது வீட்டை பாஜக முற்றுகையிடும் என்பதைத் தெரிவித்துக் கொள்கிறோம்!” என குறிப்பிட்டிருந்தார்.
