ஆட்டோவில் வைத்து இளம்பெண்ணின் கழுத்தை அறுத்த இளைஞர். ஆபத்தான நிலையில் மருத்துவமனையில் அனுமதி.

ஈரோடு மாவட்டம் அந்தியூர் பேருந்து நிலையம் அருகே  ஆட்டோ ஒன்றில் சென்று கொண்டிருந்த இளம் பெண்ணை அவருடன் சென்ற இளைஞர் ஒருவர் பிளேடால் அவரது கழுத்தை அறுத்துள்ளார்.

 

இதில் அலறல் சத்தம் இட்ட இளம்பெண்ணின் குறலை கேட்ட ஆட்டோ ஓட்டுனர் உடனடியாக வண்டியை நிறுத்தி தப்பிச்செல்ல முயன்ற இளைஞரை அங்கிருந்தவர்கள் உதவியுடன் பிடித்து போலீசில் ஒப்படைத்தார்.

 

தொடர்ந்து இளம்பெண்ணை ஆட்டோ ஓட்டுனர் அரசு மருத்துவமனையில் அனுமதித்தார், அங்கு முதலுதவி சிகிச்சை பெற்று இளம்பெண் ஆபத்தான நிலையில் ஈரோடு தனியார் மருத்துவமனைக்கு சிகிச்சைக்காக கொண்டு செல்லப்பட்டுள்ளார்.

 

போலீசாரின் விசாரணையில் அந்த இளம் பெண்ணின் பெயர் ராஹிலா (25) என்பதும், சொந்த ஊர் குன்னூரை சேர்ந்தவர் என்பதும் தெரியவந்துள்ளது.

 

ராஹிலா அந்தியூர் அருகே உள்ள புதுப்பாளையம் பகுதியில் தங்கி, மைக்கேல்பாளையம் பகுதியில் செயல்படும் அரசு உதவி பெறும் பள்ளியில் தற்காலிக ஆசிரியராக (ஸ்போக்கன் இங்கிலீஷ்) பணிபுரிந்து வருகிறார் என்பதும் தெரியவந்துள்ளது,

 

மேலும் அவரது கழுத்தை அறுத்த இளைஞர் ராஹிலாவின் உறவினர் ஜீவா என்பதும் தெரியவந்துள்ளது அவரிடம் போலீசார் விசாரணை நடத்தி வருகின்றனர்.