உடுமலையின் சாதனைப் பெண்கள் ஒருங்கிணைப்புகுழு சார்பில் நூலகருக்கு பாராட்டு மடல் வழங்கப்பட்டது.
திருப்பூர் மாவட்டம் உடுமலை முழுநேர கிளை நூலகம் எண் இரண்டில் இரண்டாம் நிலை நூலாகராக பணியாற்றி பணி நிறைவு பெற்ற வீ.கணேசனுக்கு உடுமலை சாதனை மகளிர் ஒருங்கிணைப்பு குழு சார்பில் பாராட்டு விழா நடந்தது.
விழாவிற்கு ஓவிய ஆசிரியர் மதன் குமார் தலைமை வகித்தார். உடுமலை சாதனைப் பெண்கள் பொறுப்பாளருமான கவிஞர் சுரா உடுமலையில் நூலகத்தின் மூலம் பல்வேறு விழிப்புணர்வு ஏற்படுத்தியும் சமூக சேவைகள் செய்தும் சிறந்த நூலகராக செயல்பட்டு பணி நிறைவு பெற்ற நூலகர் வீ. கணேசனை பாராட்டி பாராட்டு மடல் வழங்கினார்.
இதில் நூலகர் கொரோனா காலத்தில் சிறப்பாக செயல்பட்டதை பாராட்டியும் பள்ளி கல்லூரி மாணவர்களுக்கு போட்டித் தேர்வுகள் நடத்த சிறப்பாக செயல்பட்டு மாணவர்கள் பயன் பெரும் வகையில் வழிநடத்தியதை பாராட்டும் வகையிலும் தொடர்ந்து..
பெண்கள் மற்றும் மாணவர்கள் தன்னம்பிக்கை பெறும் வகையில் இலவச சிலம்பம் களறி வகுப்புகளை தகுந்த ஆசானை கொண்டு நடத்தி நடத்தியதை பாராட்டியும் இந்தபாராட்டு மடல் வழங்கப்பட்டது.
நிறைவாக பேராசிரியர் கண்டி முத்து நன்றி கூறினார். பணி நிறைவு நூலகர் கணேசன் ஏற்புரையாற்றினார்.
