எஸ்.எஸ்.புரம் உயர்நிலைப் பள்ளியில் கவின் கலைக்கூடம் திறப்பு விழா.
தேனி மாவட்டம் ஆண்டிபட்டி அருகே உள்ள எஸ்.எஸ். புரத்தில் உயர்நிலைப்பள்ளியில் கவின் கலைக்கூடம் திறப்பு விழா நடைபெற்றது. பள்ளியின் பகுதி நேர ஓவிய ஆசிரியர் பாலமுருகன் அவர்களின் கைவண்ணத்தில் உருவான கவின் கலை கூடத்தினை, மாவட்ட கல்வி அதிகாரி வசந்தா திறந்து வைத்தார்.
விழாவின் நிகழ்விற்கு பள்ளியின் தலைமை ஆசிரியர் ஜான்சன் வரவேற்றார். விழாவில் பெற்றோர் ஆசிரியர் கழக தலைவர் போலப்பன் ,பள்ளி மேலாண்மை குழு தலைவர் ஜீவிதா, உபதலைவர் பிரியா, பெற்றோர் ஆசிரியர் கழக செயற்குழு உறுப்பினர் தேவராஜ், கவுன்சிலர் ரத்தினவேல் உள்பட ஏராளமான கிராமத்தினர் கலந்து கொண்டு ஓவிய ஆசிரியரை பாராட்டி பொன்னாடை அணிவித்தனர்.
தத்ரூபமாக, வேலைப்பாடுகளுடன் கோயில்கள், ஓவியங்கள் கலைப்படைப்புகள் ஆகியவற்றை திறம்பட அமைத்து மாணவச் செல்வங்களுக்கு வழிகாட்டியாக திகழும் ஓவிய ஆசிரியர் பாலமுருகனை பலரும் பாராட்டினர்.
