கடையம் அருகே தோரணமலை கோவில் வளாகத்தில் போட்டி தேர்வாளர்களுக்கு இலவச பயிற்சி கருத்தரங்கு
தென்காசி மாவட்டம் கடையம் அருகே மேற்கு தொடர்ச்சி மலை அடிவாரத்தில் தோரணமலை முருகன் கோவில் உள்ளது. இந்த கோவிலில் ஆன்மீக பணிகள் மட்டும் இல்லாமல் பல்வேறு சமுதாய பணிகளும் மேற்கொள்ளப்பட்டு வருகின்றன.
இந்த நிலையில் சென்னை மற்றும் கோவில்பட்டியை சேர்ந்த துளிர் ஐஏஎஸ் அகாடமி சார்பில் போட்டிக்கு தயாராகி வரும் மாணவர்களுக்கு இலவச பயிற்சி கருத்தரங்கு நடைபெற்றது .
இதில் துளிர் ஐஏஎஸ் அகாடமி நிறுவனர் மாரிமுத்து, இணை இயக்குனர்கள் முரளி அண்ணாதுரை, காளிதாஸ் கூட்டுறவு சார் பதிவாளர் சரவணகுமார் கலந்து கொண்டு ஆலோசனைகள் வழங்கினர்.
கூட்டத்தில் பிளஸ் டூ பிறகு என்ன படிக்கலாம் வேலை பார்த்துக் கொண்டே என்ன படிக்கலாம் என்ன என்ன தேர்வுகள் எப்படி எழுதலாம் என பல்வேறு ஆலோசனைகள் வழங்கப்பட்டது.
இதில் கடையம் தென்காசி கடையநல்லூர் பாவூர்சத்திரம் ஆலங்குளம் சுற்று வட்டார பகுதியை சேர்ந்த மாணவர்கள் கலந்து கொண்டனர்.
தொடர்ந்து சிறப்பு விருந்தினர்களுக்கு நினைவு பரிசு வழங்கப்பட்டது. வந்திருந்த மாணவர்கள் குழு புகைப்படம் எடுத்துக் கொண்டனர்.
அனைவருக்கும் காலை மதியம் அன்னதானம் வழங்கப்பட்டது. ஏற்பாடுகளை கோவில் பரம்பரை அறங்காவலர் செண்பகராமன் செய்திருந்தார் .
