கும்பகோணம் அருகே அரசு பஸ் கவிழ்ந்து 18 பேர் காயம்.
திருப்பனந்தாள் அருகே சோழபுரம் அடுத்த கோவிலாச்சேரி பகுதியில் சென்னை மார்க்கத்தில் இருந்து அரசு பேருந்து கும்பகோணம் நோக்கி இன்று விடியற்காலை வந்து கொண்டு இருந்தது,
அப்போது பேருந்து ஓட்டுனர் கட்டுபாட்டை இழந்து நான்கு வழி பாதை சாலையோரம் இருந்த வாய்க்கால் மதகு கட்டையில் மோதி கவிழிந்தது, இதில் பேருந்தில் வந்த பெண்கள் உட்பட 18 க்கும் மேற்பட்டோர் காயமடைந்தனர்.
இதில் பஸ் டிரைவர் கர்ணா மூர்த்தி, நடத்துனர் கார்த்திகேயன், ரமேஷ்,கீர்த்திகா விஜயலட்சுமி, சந்திரசேகர், தமிழ்செல்வி ஆகியோருக்கு பலத்த காயம் ஏற்பட்டது.
தகவலறிந்த சோழபுரம் போலீசார் விரைந்து வந்து காயமடைந்தவர்களை மீட்டு 108 ஆம்புலன்ஸ் மூலம் கும்பகோணம் அரசு மருத்துவமனைக்கு அனுப்பி வைத்தனர், அங்கு அவர்களுக்கு சிகிச்சை அளிக்கப்பட்டு வருகிறது.
இது குறித்து சோழபுரம் போலீசார் விசாரணை நடத்தி வருகின்றனர்.
