சங்ககிரியில் மாவட்ட அளவிலான கிரிக்கெட் போட்டி சேலம் அணியினர் சாம்பியன் பட்டம் வென்றனர்.
சேலம் மாவட்டம், சங்ககிரி அருகே இருகாலுார் கிராமம், பண்ணைகிணத்துாரில் மாவட்ட அளவிலான கிரிக்கெட் போட்டி நடந்தது. இப்போட்டியை அதிமுக மாநில பொதுக் குழு உறுப்பினர் வெங்கடாஜலம் தொடங்கி வைத்தார். இதில், சேலம் மாவட்டத்திலிருந்து 40 அணியினர் பங்கேற்று விளையாடினர். அதில், சேலம் ஆனந்த் சிசி அணி வெற்றி பெற்று முதலிடம் பிடித்தது. செவன் லெவன்ஸ் சங்ககிரி அணி இரண்டாம் இடம் பிடித்தது. சச்சின் ஸ்போர்ட்ஸ் அணி மூன்றாம் இடமும், சங்ககிரி ஏபிஎம் பாய்ஸ் அணி நான்காம் இடமும் பிடித்தது. வெற்றி பெற்ற அணிகளுக்கு முதல் பரிசை அதிமுக மாநில பொது குழு உறுப்பினர் வெங்கடாஜலம் ரூ. 12 ஆயிரமும், இரண்டாம் பரிசு சங்ககிரி அதிமுக ஒன்றிய செயலாளர் ரத்தினம் ரூ.8 ஆயிரமும், கவிதாபெருமாள் ஒன்றிய கவுன்சிலர் மூன்றாம் பரிசு ரூ.6 ஆயிரமும், பழனிசாமி நான்காம் பரிசாக ரூ. 4ஆயிரம் மற்றும் சுழற்கோப்பைகளை வழங்கினார்கள்.
