திருவெறும்பூர் சார்பில் எம்ஜிஆரின் திரு உருவ படத்திற்கு மாலை அணிவித்து மரியாதை

திருச்சி,

எம்ஜிஆரின் 35 ஆம் ஆண்டு நினைவு தினத்தை முன்னிட்டு திருவெறும்பூர் கடைவீதியில் புறநகர் தெற்கு மாவட்டம் சார்பில் எம்ஜிஆரின் திருவுருவபடத்திற்கு மாலை அணிவித்து மரியாதை செய்து அன்னதானம் வழங்கப்பட்டது.

 

அதிமுக நிறுவனரும் மறைந்த தமிழக முதல்வருமான எம்ஜிஆர் 35 ஆம் ஆண்டு நினைவு தினத்தை அதிமுகவினர் அனுசரித்து வருகின்றனர்.

 

 

இதன் ஒரு பகுதியாக திருச்சி புறநகர் தெற்கு மாவட்ட அதிமுக சார்பில் அதன் மாவட்ட செயலாளர் ப.குமார் தலைமையில் திருவெறும்பூர் கடைவீதியில், அலங்கரித்து வைக்கப்பட்டிருந்த எம்ஜிஆரின் திருவுருவப்படத்திற்கு மாலை அணிவித்து, மலர்தூவி மரியாதை செய்தனர்.

 

இதனை தொடர்ந்து பொதுமக்களுக்கு அன்னதானம் வழங்கப்பட்டது. இந்நிகழ்வில் திருவெறும்பூர் ஒன்றிய, பகுதி, நகர, பேரூர் கழக அதிமுக நிர்வாகிகள் கலந்து கொண்டனர்.