தென்காசி மாவட்ட அரசு தலைமை மருத்துவமனையில் பிறந்த 17 குழந்தைகளுக்கு தங்க மோதிரம் – திமுக மாவட்ட செயலாளர் வழங்கினார்.
தென்காசி – செய்தியாளர் – கிருஷ்ணகுமார்.
திமுக இளைஞரணி செயலாளரும் சேப்பாக்கம் சட்டமன்ற உறுப்பினருமான உதயநிதி ஸ்டாலினின் 45 வது பிறந்தநாள் விழா தமிழகம் முழுவதும் திமுக வினரால் உற்சாகமாக கொண்டாடப்பட்டு வருகிறது.
தென்காசி தெற்கு மாவட்ட திமுக சார்பில் உதயநிதி ஸ்டாலினின் பிறந்தநாள் விழா கொண்டாடப்பட்டு வருகிறது.
தென்காசி தெற்கு மாவட்ட திமுக சார்பில் தென்காசி மாவட்ட தலைமை அரசு மருத்துவமனையில் நேற்று பிறந்த 17 குழந்தைகளுக்கு தங்க மோதிரம் வழங்கும் நிகழ்ச்சி இன்று நடந்தது.
பிறந்த 17 குழந்தைகளுக்கு திமுக தெற்கு மாவட்ட செயலாளர் சிவபத்மநாதன் தங்க மோதிரங்களை வழங்கினார்.
இந்த நிகழ்ச்சியில் தென்காசி ஒன்றிய கழகச் செயலாளர் அழகு சுந்தரம் கீழப்பாவூர் ஒன்றிய செயலாளர் சீனித்துரை பொதுகுழு உறுப்பினர் சாமிதுரை முன்னாள் நகர்மன்ற தலைவர் கோமதிநாயகம் மாவட்ட கவுன்சிலர் கனிமொழி ராமராஜன் உள்ளிட்ட திமுக நிர்வாகிகள் பலர் நிகழ்ச்சியில் கலந்து கொண்டனர்.
