நிலப்பரப்பின் அடிப்படையில் கூட்டுறவு கடனுக்கான நிதி: தமிழக அரசு ஒதுக்கீடு செய்ய பி.ஆர்.பாண்டியன் வலியுறுத்தல்.

காவிரி டெல்டா மாவட்டங்களில் ஓஎன்ஜிசி பேரழிவுத் திட்டங்கள் குறித்து ஆய்வு செய்வதற்கு இஸ்மாயில் தலைமையில் அமைக்கப்பட்ட ஆய்வு குழு விவசாயிகளிடம் வெளிப்படையாக கருத்து கேட்காமலேயே அறிக்கை தாக்கல் செய்துள்ளது.

இதனால் ஓஎன்ஜிசியுடைய பாதிப்புகள் குறித்து முழுமையாக தீர்வு காணுவதற்கான வாய்ப்பு இல்லாத நிலை ஏற்பட்டுள்ளது. பாதிப்புகள் தொடர்ந்த வண்ணம் உள்ளது. எனவே, இஸ்மாயில் குழு இறுதி அறிக்கை சமர்ப்பித்துள்ளதை நிறுத்தி வைத்து, மீண்டும் உடனடியாக மாவட்டங்கள் தோறும் சுற்றுப்பயணம் செய்து வெளிப்படையாக கருத்துக் கேட்பு கூட்டங்களை நடத்தி, பாதிப்புகள் குறித்து கண்டறிந்து அதற்கான தீர்வுகளுக்கான முன்மொழிவுகளை அரசுக்கு அளிக்க உரிய நடவடிக்கைகளை முதலமைச்சர் மேற்கொள்ள வேண்டும்.

தமிழகத்தில் கூட்டுறவு வங்கிகள் வலிமையாக உள்ளது. விவசாயிகளுக்கு கூட்டுறவு கடன் வழங்குவதற்கான இலக்கீடுகளை மேற்கொள்ளும் போது நிலப்பரப்பின் அடிப்படையில் கடன் தொகையை இலக்கீடாக நிர்ணயம் செய்ய வேண்டும். அதன் மூலம் ஊழல் முறைகேடு இன்றி சாகுபடியில் ஈடுபடுகிற அனைவருக்கும் உரிய கடன் தொகையை வழங்கிட தமிழக முதலமைச்சர் நடவடிக்கை எடுக்க வேண்டும்” என்று பி.ஆர்.பாண்டியன் தெரிவித்தார்.