பசுந்தோல் போர்த்திய புலியிடம் அதிமுக சிக்கியுள்ளது: ஈபிஎஸ்சை எகிறியடிக்கும் சசிகலா!
“ஆண்டுக்கு ஒருமுறை அவரவர் விருப்பப் படி கட்சியின் சட்டத்திருத்தத்தை மேற்கொள்கிறார்கள். இதற்கெல்லாம் யாருக்கும் அதிகாரம் இல்லை. திமுகவினருக்கு நாமே இடம் கொடுத்துவிடக்கூடாது என்பதற்காகத்தான் நான் அமைதியாக இருக்கிறேன் ” எனத் தொண்டர் சந்திப்பில் சசிகலா தெரிவித்துள்ளார்.
அதிமுகவில் ஜூன் 23-ம் தேதி நடைபெற்ற பொதுக்குழு களேபரங்கள் முற்றுப்பெற்ற நிலையில், மீண்டும் பொதுக்குழு நடத்துவதற்கான பணிகளை எடப்பாடி பழனிசாமி தரப்பினர் தீவிரமாகச் செய்து வருகின்றனர். இந்த நிலையில் பொதுக்குழுவிற்குத் தடை விதிக்கக் கோரி ஓ.பன்னீர் செல்வம் சென்னை உயர் நீதிமன்றத்தில் மனுத் தாக்கல் செய்துள்ளார். இந்த களேபரங்களுக்கு மத்தியில் சசிகலா ‘புரட்சிப் பயணம்’ எனத் தனது அரசியல் சுற்றுப் பயணத்தைத் தொடங்கி தொண்டர்களைச் சந்தித்து வருகிறார். ‘அதிமுகவை எடப்பாடி பழனிசாமி சீரழித்துவிட்டார். துரோகிகளின் பிடியிலிருந்து அதிமுகவை மீட்க வேண்டும்’ எனப் பேசி வருகிறார்.
