பவானியில் பேராசிரியரின் 100-வது பிறந்தநாள் விழா கொண்டாடப்பட்டது.

ஈரோடு மாவட்டம், பவானி நகர திமுக சார்பில் பூக்கடை பகுதியில் க. அன்பழகன் பிறந்த நாளை நூற்றாண்டு நிறைவு விழாவாக திங்கள்கிழமை (19.12.2022) கொண்டாடப்பட்டது. பவானி நகர திமுக செயலாளர் நாகராசன் தலைமையில் நடைபெற்ற இந்த நிகழ்ச்சியில் திமுக கட்சி கொடி ஏற்றி வைக்கப்பட்டது. பின்னர் பேராசிரியர் திருவுருவ படத்திற்கு மலர் தூவி மரியாதை செலுத்தினர்.

 

 

இதனைத் தொடர்ந்து சுவாமி விவேகானந்தர் பள்ளியில் பயிலும் 100 குழந்தைகளுக்கு இனிப்பு மற்றும் நலத்திட்ட உதவிகளை நகர் மன்ற தலைவர் சிந்தூரி இளங்கோவன் வழங்கினார்.

 

 

இந்நிகழ்ச்சியில் அவைத்தலைவர் மாணிக்கராஜ், இளைஞர் அணி அமைப்பாளர் இந்திரஜித், திமுக கவுன்சிலர்கள் சுப்ரமணி, விஜய் ஆனந்த், சந்தோஷ்குமார் மற்றும் வார்டு செயலாளர்கள் என திமுக கட்சி நிர்வாகிகள் பலர் கலந்து கொண்டனர்.