இறங்கி வந்த ஓபிஎஸ்… ஏற்க மறுத்த ஈபிஎஸ்: உள்ளாட்சித் தேர்தலில் சுயேச்சையாக களமிறங்கும் அதிமுக.

உள்ளாட்சி பதவியிடங்களுக்கான இடைத் தேர்தலில் போட்டியிடும் அதிமுக வேட்பாளர்கள் இன்று மாலை 3 மணிக்குள் இரட்டை இலை சின்னத்தில் போட்டியிடுவதற்கான படிவம் ஏ மற்றும் பி ஆகியவற்றை சமர்ப்பிக்க வேண்டும். இவற்றில் ஒருங்கிணைப்பாளர் ஓ. பன்னீர்செல்வம் கையெழுத்து இடவேண்டும்.

ஆனால் தற்போது நிலவி வரும் ஒற்றைத் தலைமை பிரச்சினையில் ஒருங்கிணைப்பாளர் பன்னீர்செல்வத்திடம் அந்தப் படிவங்களில் கையெழுத்து பெற ஈபிஎஸ் தரப்பினர் விரும்பவில்லை. அதனால் வேட்பாளர்களுக்கு கட்சி ஒருங்கிணைப்பாளர் கையெழுத்திட்ட படிவம் இதுவரை வழங்கப்படவில்லை. அந்த படிவம் வழங்குவதற்கு இன்று கடைசி நாள் என்பதால நேற்று இரவு ஒருங்கிணைப்பாளர் பன்னீர்செல்வம் தானே முன்வந்து கையெழுத்திட தயாராக இருப்பதாக ஈபிஎஸ் தரப்பிற்கு கடிதம் ஒன்றை அனுப்பினார்.