சோனியா காந்திக்காக போராட்டம்: கே.எஸ்.அழகிரி உள்பட 1000 பேர் மீது வழக்கு.

சென்னை எழும்பூர் ராஜரத்தினம் மைதானம் அருகே தமிழ்நாடு காங்கிரஸ் கமிட்டி தலைவர் கே.எஸ் அழகிரி தலைமையில் 1000-க்கும் மேற்பட்ட காங்கிரஸ் கட்சியினர் ஓன்று கூடி கண்டன ஆர்ப்பாட்டத்தில் ஈடுபட்டனர். அத்துடன் உருவ பொம்மை எரிப்பு உள்ளிட்ட போராட்டங்களையும் நடத்தினர். இந்நிலையில் கே.எஸ் அழகிரி உள்ளிட்ட காங்கிரஸ் கட்சியினர் 1000 பேர் மீது எழும்பூர் போலீஸார் 3 பிரிவுகளின் கீழ் வழக்குப்பதிவு செய்துள்ளனர். சட்டவிரோதமாக கூடுதல், தீ அல்லது வெடிப்பொருட்களை அஜாக்கிரதையாக கையாளுதல், தடையை மீறி கூடுதல் ஆகிய 3 பிரிவுகளின் கீழ் போலீஸார் வழக்குப்பதிவு செய்தனர்.