தஞ்சையில் தி.க.மாணவர் கழக மாநில கலந்துரையாடல் கூட்டம் கி.வீரமணி பங்கேற்பு.

தஞ்சாவூர், திராவிட மாணவர் கழக மாநில கலந்துரையாடல் கூட்டம் தஞ்சையில் நடைபெற்றது. கூட்டத்திற்கு திராவிடர் கழக தலைவர் கி.வீரமணி தலைமை வகித்தார். மாநில அமைப்பாளர் செந்தூரப் பாண்டியன் வரவேற்றார்.

 

திராவிடர் கழக துணைத் தலைவர் கவிஞர். பூங்குன்றன், பொதுச்செயலாளர்கள் இரா.ஜெயக்குமார் துரை. சந்திரசேகரன், மாநில அமைப்பாளர் இரா. குணசேகரன் ஆகியோர் முன்னிலை வகித்தனர்.

 

மாநில செயலாளர் பிரின்ஸ் என்னாரெசு பெரியார், மாநில அமைப்பாளர்கள் வெற்றி, மானவீரன், தங்கமணி, குடந்தை அஜீதன், கோவை ராகுல், ஆண்டிபட்டி ஜீவா, திருவாரூர் உமாநாத், சென்னை தொண்டறம், செய்யாறு இளஞ்செழியன், மத்தூர் மணிமொழி, ஒரத்தநாடு கவிபாரதி,

 

தலைமை கழக பேச்சாளர் பெரியார் செல்வன், தஞ்சை தெற்கு ஒன்றிய செயலாளர் நல்லுபட்டு ராமலிங்கம், தெற்கு நத்தம் சித்தார்த்தன் மற்றும் திராவிட மாணவர் கழக நிர்வாகிகள் ஏராளமானோர் கலந்து கொண்டனர். கூட்டத்தில் 2023-ம் ஆண்டிற்கான மாணவர் கழக களப்பணிகள்,

 

திராவிட மாணவர் கழக அமைப்பு பணிகள், தமிழர் தலைவர் ஆசிரியர் கி.வீரமணியின் சமூக நீதி பாதுகாப்பு பயணம் ஆகியவைகள் குறித்து கலந்துரையாடல் செய்யப்பட்டன. இந்த நிகழ்ச்சிக்கான ஏற்பாட்டினை திராவிட மாணவர் கழக மாநில அமைப்பாளர் இரா. செந்தூரப் பாண்டியன் செய்திருந்தார்.