திருச்சி தேசிய தொழில் நுட்ப கழகத்தில் சர்வதேச மகளிர் தினத்தின் ஒரு வாரக் கொண்டாட்டங்கள் துவங்கியது.
திருச்சி என்ஐடி எனப்படும் தேசிய தொழில் நுட்ப கழக வளாகத்தில் இந்த ஆண்டு மகளிர் தின விழாவை டாக்டர் எஸ்.வேல்மதி தலைமையில் திருச்சி என்.ஐ.டி. மகளிர் பிரிவு ஒருங்கிணைக்கிறது.
தொடக்க விழாவிற்கு ஆசிரியர்கள், ஊழியர்கள் மற்றும் மாணவர்கள் அடங்கிய பார்வையாளர்களை அவர் வரவேற்றார். திருச்சி என்.ஐ.டி. இயக்குனர் அகிலா விழாவிற்கு தலைமை தாங்கினார்.
இயக்குனர் அகிலா பேசுகையில் தொடர்ச்சியான, வாழ்நாள் முழுவதும் கற்றல் மூலம் பெண்கள் அதிகாரம் பெறுவதன் முக்கியத்துவத்தை வலியுறுத்தினார்.
இதன்மூலம் 2023 ஆம் ஆண்டு சர்வதேச மகளிர் தினத்தின் குறிக்கோளான புதுமை மற்றும் தொழில்நுட்பம் சமத்துவத்தை தழுவியது என்றார்.
டாக்டர் எஸ்.சித்ரா வார விழாவைத் தொடங்கி வைத்து, பெண்கள்: ஆரோக்கியம் மற்றும் நல்வாழ்வு என்ற தலைப்பில் விரிவுரை ஆற்றினார்.
அவரது அமர்வில், பெண்கள் தங்களை முதன்மைப்படுத்தி, அவர்களின் உணர்ச்சி, உளவியல் மற்றும் உடல் நலனைக் கவனிப்பதன் முக்கியத்துவத்தைப் பற்றி விரிவாகப் பேசினார்.
பெண்கள் தங்கள் வாழ்க்கை முறைகளில் உடனடியாக மாற்றங்களைச் செய்துகொள்வதற்கும், உடல் கொடுக்கும் அறிகுறிகளைப் பற்றி எச்சரிக்கையாக இருப்பதற்கும் அவர் காரணங்களை விளக்கினார்.
பெண்கள் தங்கள் ஆரோக்கியத்தின் முக்கியத்துவத்தைப் பற்றி விழிப்புடன் இருக்க வேண்டும் என்று அறிவுறுத்திய அவர், சீரான இடைவெளியில் மருத்துவப் பரிசோதனைகளை மேற்கொள்வதன் அவசியத்தையும் உடல் மாற்றங்களை கண்காணிப்பதன் முக்கியத்துவம் பற்றியும், ஒருவரின் ஆர்வத்தைப் பின்பற்றுவதற்கான நேரத்தைக் கண்டுபிடிப்பதன் முக்கியத்துவத்தை அவர் அடிக்கோடிட்டுக் காட்டினார்.
மற்றும் பெண்களின் உணர்ச்சி ஆரோக்கியத்தை சமநிலைப்படுத்துவதில் அது எவ்வளவு முக்கிய பங்கு வகிக்கிறது என்பதை விளக்கினார்.
என்.ஐ.டி.மகளிர் பிரிவு உறுப்பினர் டாக்டர் எல்.சைகலா நன்றியுரை ஆற்றினார். மாலையில், பெண்களுக்கான பிரத்யேக த்ரோபால் போட்டி நடத்தப்பட்டது, இதில் ஆசிரியர்கள், ஊழியர்கள் மற்றும் மாணவர்கள் ஆர்வத்துடன் பங்கேற்றனர்.
