பல்வேறு மாநிலங்களுக்கு 15 ஆண்டுகளாக கஞ்சா கஞ்சா கடத்திய நபரை ஒடிசா வரை சென்று தூண்டில் போட்டு பிடித்த தேனி போலீஸ்.

தேனி-மதுரை மாவட்ட எல்லையான, ஆண்டிப்பட்டி அருகே உள்ள திம்மரசநாயக்கனூர் போலீஸ் சோதனை சாவடியில் கடந்த மாதம் 16ந்தேதி கருவாடு ஏற்றி வந்த லாரியை மடக்கி போலீசார் சோதனை செய்தனர். அந்த லாரியில் கருவாடு கூடைகளுக்கு அடியில் பதுக்கி வைக்கப்பட்ட 1200 கிலோ கஞ்சாவை போலீசார் பறிமுதல் செய்தனர்.

 

மேலும் கஞ்சா கடத்தி வந்த 3 பேரை ஆண்டிப்பட்டி போலீசார் கைது செய்தனர். விசாரணையில் அந்த கஞ்சா ஆந்திரமாநிலத்தில் இருந்து ராமநாதபுரம் மாவட்டத்திற்கு கொண்டு செல்வது தெரியவந்தது.

 

 

தேனி மாவட்டத்தில் 1200 கிலோ கஞ்சா பிடிபடுவது இதுவே முதல் முறை என்பதால் அதிர்ச்சி அடைந்த போலீசார், இந்த கஞ்சா கடத்தலின் பின்னணி குறித்து தீவிர விசாரணையை தொடங்கினர். இந்த சம்பவம் குறித்து முழு விசாரணை நடத்த 2 இன்ஸ்பெக்டர் தலைமையிலான தனிப்படை அமைத்து தேனி மாவட்ட எஸ்.பி பிரவீன் உமேஷ் டோங்ரே நடவடிக்கை மேற்கொண்டார்.

 

இந்த தனிப்படை போலீசார் கடந்த சில நாட்களாக கஞ்சா கடத்தல் குறித்து ரகசிய விசாரணையை மேற்கொண்டனர். விசாரணையில் கஞ்சா கடத்தலுக்கு மூளையாக செயல்பட்ட நபர் ஒடிசா மாநிலத்தில் இருப்பதாக தகவல் கிடைத்தது. இதனையடுத்து தேனி மாவட்ட போலீசார் ஒடிசா மாநிலத்திற்கு விரைந்தனர்.

 

 

அங்கு ஒடிசா மாநில போலீசாரின் உதவியுடன், தமிழ்நாடு, கேரளா, கர்நாடகா, ஆந்திர மாநிலத்திற்கு கடந்த 15 ஆண்டுகளுக்கும் மேலாக கஞ்சா கடத்திய வந்த ஒடிசா மாநிலம் துப்புலவாடா பகுதிய¬ சேர்ந்த கிருஷ்ணகாந்த பல்லாவ்(வயது52) என்ற நபரை கைது செய்து ஆண்டிப்பட்டிக்கு அழைத்து வந்தனர். தேனி மாவட்ட எஸ்.பி பிரவீன் உமேஷ் டோங்ரே நேரில் வந்து கஞ்சா கடத்தல்காரரிடம் விசாரணை நடத்தினார்.

 

அதன்பின்னர் பல்வேறு மாநிலங்களுக்கு கஞ்சா கடத்தி வந்த நபரை ஆண்டிப்பட்டி கோர்ட்டில் ஆஜர்படுத்தி சிறையில் அடைக்க உத்தரவிட்டார். அதன்பின்னர் செய்தியாளர்களை சந்தித்த தேனி மாவட்ட எஸ்.பி பிரவீன் உமேஷ் டோங்ரே, தேனி மாவட்டத்தில் கஞ்சா விற்பனை மற்றும் கடத்தலில் ஈடுபட்ட 40 பேர் குண்டர் தடுப்பு சட்டத்தின் கைது செய்யப்பட்டு அவர்களின் சொத்துக்கள் முடக்கப்பட்டு உள்ளதாகவும்,

 

 

தொடர்ந்து கஞ்சா கடத்தல் சம்பவத்தை தடுக்க போலீசார் தீவிரமாக செயல்பட்டு வருவதாகவும் தெரிவித்தார். கடந்த 15 ஆண்டுகளுக்கும் மேலா£க பல்வேறு மாநிலங்களுக்கு கஞ்சா கடத்தலுக்கு மூளையாக செயல்பட்ட நபர் தற்போது தேனி மாவட்ட போலீசாரால் கைது செய்யப்பட்டு உள்ளதால் இனிவரும் காலங்களில் கஞ்சா விற்பனை மற்று கடத்தல் குறையும் என்று தேனி மாவட்ட எஸ்.பி பிரவீன் உமேஷ் டோங்ரே தெரிவித்தார்.