காட்பாடி அடுத்த வள்ளிமலை கோவில் படிக்கட்டில் வாலிபர் மர்ம மரணம் போலீசார் விசாரணை வள்ளிமலையில் பரபரப்பு.

வேலூர் மாவட்டம் காட்பாடி அடுத்த வள்ளிமலையில் புகழ்பெற்ற ஸ்ரீ சுப்பிரமணிய சுவாமி திருக்கோவில் உள்ளது இன்று காலை சுமார் ஆறு மணியளவில் சுவாமி தரிசனம் செய்வதற்காக பக்தர்கள் மலைப்பாதை வழியாக சென்றனர். தரிசனத்திற்கு பிறகு கோவிலை வலம் வந்தனர் அப்பொழுது கோவில் பக்கவாட்டு பகுதிக்கு வந்த போது வாலிபர் ஒருவர் பற்கள் மற்றும் தலையில் ரத்த காயத்துடன் சடலமாக கிடந்ததை பார்த்து அதிர்ச்சி அடைந்துள்ளனர்.

 

மேலும் இச்சம்பவம் குறித்து கோவில் அர்ச்சகரியிடம் தெரிவித்தனர் கோவில் அர்ச்சகர்கள் கொடுத்த தகவலின் பெயரில் மேல்பாடி காவல் நிலைய ஆய்வாளர் ஸ்ரீதர் தலைமையிலான போலீசார் விரைந்து வந்து விசாரணை மேற்கொண்டனர் இதில் சடலமாக கிடந்த நபருக்கு சுமார் 30 வயது இருக்கும் வெள்ளை நிறத்தில் கட்டம் போட்ட சட்டை கருப்பு நிற பேண்ட் அணிந்திருந்தார் அவரது பற்கள் உடைந்துள்ளன.

 

 

மேலும் தலையில் காயம் ஏற்பட்டு இருப்பது தெரியவந்தது மேலும் இவர் யார் எந்த ஊரை சேர்ந்தவர் போன்ற விவரங்கள் தெரியவில்லை என போலீசார் தரப்பில் கூறப்படுகிறது இறந்த நபர் கோவிலை சுற்றி வந்த பொழுது குன்றின் மீது இருந்து தவறி விழுந்து தலையில் காயம் அடைந்து இறந்தாரா அல்லது எப்படி இறந்தார் என போலீசார் தொடர்ந்து விசாரணை மேற்கொண்டு வருகின்றனர்.

 

மேலும் சடலத்தின் அருகே செல்போன் ஒன்று உடைந்து கிடந்ததும் குறிப்பிடத்தக்கது இதனை அடுத்து சடலத்தை கைப்பற்றிய போலீசார் உடற்கூறு ஆய்வுக்காக வேலூர் அடுக்கம்பாறை அரசு மருத்துவக் கல்லூரி மருத்துவமனைக்கு அனுப்பி வைத்தனர்.

 

கோவில் பூஜைகள் முடிந்த பின்னர் நடை சாற்றப்படுவதற்கு முன் அர்ச்சகர்கள் வலம் வருவது வழக்கம் அதன்படி நேற்றிரவு கோவிலை அர்ச்சகர்கள் சுற்றி வந்தனர் அப்பொழுது அங்கு யாரும் இல்லை என தெரிகிறது எனவே அதன் பின்னர் வாலிபர் கோவில் பகுதிக்கு வந்திருக்கலாம் என போலீசார் கருதுகின்றனர் இது தொடர்பாக மர்ம மரணம் என வழக்கு பதிவு செய்து காட்பாடி டிஎஸ்பி பழனி தலைமையிலான போலீசார் தீவிர விசாரணை மேற்கொண்டு வருகின்றனர்.

புகழ்பெற்ற வள்ளிமலை கோவிலில் வாலிபர் ஒருவர் மர்மமான முறையில் இறந்து கிடந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.