சாக்கு பையிலேயே முளைத்த நெற்கதிர்கள்; மழையால் வீணான ஆயிரம் டன் நெல் மூட்டைகள்: விவசாயிகள் கண்ணீர்!

இந்தக் கிடங்கில் பொதுவாக ஒரு பாதி இடத்தில் திறந்தவெளியில் நெல் மூட்டைகளை அடுக்கி தார்ப்பாய்கள் போட்டு மூடி வைப்பது வழக்கமாக இருந்து வந்தது. இச்சூழலில், கடந்த ஒரு வாரமாக மதுரையில் பெய்த தொடர் மழையின் காரணமாக, திறந்தவெளியில் வைக்கப்பட்டிருந்த நெல் மூட்டைகள் தார்ப்பாய் போட்டு மூடப்பட்டிருந்தாலும் மழைநீரில் நனைந்து, முளைத்து வீணாக உள்ளது. சேமித்து வைக்கப்பட்டிருந்த சுமார் ஆயிரம் டன் நெல் மூட்டைகள் இதுபோன்று மழையில் நனைந்து வீணாகி உள்ளது. இதனால் விவசாயிகள் கண்ணீர் வடிக்கின்றனர்.

இதுபோன்று, திறந்த வெளியில் அடுக்கி வைக்கப்பட்டிருக்கும் நெல் மூட்டைகளை முழுமையாக பாதுகாக்கப்பட்ட அறையில் வைக்க வேண்டும் என்பதே இப்பகுதி விவசாயிகளின் நீண்ட நாள் கோரிக்கையாக இருந்து வந்தது. இந்நிலையில், தற்போது மழையினால் ஆயிரம் டன் நெல் மூட்டைகள் நனைந்து வீணான சூழலில் மீண்டும் அதே கோரிக்கையை அரசுக்கு இப்பகுதி விவசாயிகள் விடுத்துள்ளனர்.