தேனி அரசு மருத்துவக் கல்லூரி மருத்துவமனை முதல்வர் பாலாஜிநாதனின் குடியிருப்பில் லஞ்ச ஒழிப்புத்துறை போலீசார் சோதனை.

தேனி மாவட்டம்,

தேனி அரசு மருத்துவக் கல்லூரி மருத்துவமனை முதல்வர் பாலாஜிநாதனின் குடியிருப்பில் லஞ்ச ஒழிப்புத்துறை போலீசார் சோதனை

அதிமுக ஆட்சியின் போது திருவள்ளூர் மாவட்டத்தில் உள்ள வேல்ஸ் மருத்துவமனைக்கு விதிமுறைக்கு மீறி அத்தியாவசிய சான்றிதழ் வழங்கி மருத்துவகல்லூரிக்கு பரிந்துரை செய்துள்ளதாக புகார் எழுந்ததையடுத்து முன்னாள் அதிமுக அமைச்சர் விஜயபாஸ்கரின் வீடுகள் மற்றும் அவரது நண்பர்கள் உள்ளிட்ட 13 இடங்களில் லஞ்ச ஒழிப்புதுறை போலீசார் காலை முதல் சோதனை செய்து வருகின்றனர்.

அதன் ஒரு பகுதியாக அவரது நண்பரான முன்னாள் சேலம் மாவட்ட அரசு மருத்துவக் கல்லூரி மருத்துவமனை முதல்வராக இருந்து தற்போது தேனி அரசு மருத்துவக் கல்லூரி மருத்துவமனையில் முதல்வராக உள்ள பாலாஜி நாதனின் குடியிருப்பு பகுதியில் இன்று காலை 7:00 மணி முதல் லஞ்ச ஒழிப்பு Dsp சுந்தர்ராஜ் தலைமையிலான 8 பேர் கொண்ட குழுவினர் தொடர்ந்து சோதனை மேற்கொண்டு வருகின்றனர்.

முதலில் குடியிருப்பு பகுதியில் சோதனை மேற்கொண்ட அவர்கள் பின்னர் பாலாஜி நாதனை அழைத்துச் சென்று அவரது அலுவலகத்தில் வைத்து அரை மணி நேரமாக சோதனை மேற்கொண்டனர்.

பின்னர் மீண்டும் அவரது குடியிருப்புக்கு அழைத்துச் சென்று தொடர்ந்து சோதனையானது மேற்கொள்ளப்பட்டு வருகிறது இச்சம்பவம் தேனி மாவட்டத்தில் பெரும் பரபரப்பை ஏற்படுத்தி இருக்கிறது.