பா.ஜ.க மாமன்ற உறுப்பினர் பிறந்தநாளை தி.மு.க. மேயர். கேக் ஊட்டி தி.மு.கவிற்கு வந்து விடுங்கள் அண்ணே என அழைப்பு.

தஞ்சை மாநகராட்சி 31வது வார்டு பா.ஜ.க மாமன்ற உறுப்பினர் ஜெய்சதீஷ் பிறந்தநாளை மாமன்ற கூட்ட அரங்கில் கேக் வெட்டி கொண்டாடினார் தி.மு.க. மேயர். கேக் ஊட்டி தி.மு.கவிற்கு வந்து விடுங்கள் அண்ணே என அழைப்பு விடுத்தார் துணை மேயர் அஞ்சுகம் பூபதி.  அதிமுக உறுப்பினர் கோபால் காலில் விழுந்து பிறந்த நாள் வாழ்த்து பெற்றார் பா.ஜ.க உறுப்பினர். வழக்கமாக கலவரத்துடன் முடியும் மாமன்ற கூட்டம் இன்று கலகலப்பாக முடிந்தது.

தஞ்சை மாநகராட்சி மாமன்ற கூட்ட அரங்கில் மாதந்திர கூட்டம் மேயர் சண். ராமநாதன் தலைமையில் நடைப்பெற்றது. தி.மு.க. அ.தி.மு.க காங்கிரஸ், பா.ஜ.க, அ.ம.மு. க மாமன்ற உறுப்பினர்கள் ஒருமித்த குரலாக தஞ்சை மாவட்ட வளர்ச்சிக்கு பெரும் உறுதுணையாக இருந்து பதவி உயர்வு பெற்று சென்ற முன்னாள் மாவட்ட ஆட்சியர் தினேஷ் பொன்ராஜ் ஆலிவருக்கு பாராட்டுகள் தெரிவித்தனர்.

கூட்டத்தில் பேசிய மேயர் அடுத்த 30 ஆண்டுகளுக்கு தஞ்சை மாநகராட்சியில் தண்ணீர் தட்டுப்பாடு இருக்காது என்றார். மேலும் தஞ்சை மாநகராட்சி 31வது வார்டு பா.ஜ.க மாமன்ற உறுப்பினர் ஜெய் சதீஷ்க்கு இன்று பிறந்தநாள் என்பதை அறிந்த மேயர், மாமன்ற கூட்ட அரங்கிலேயே கேக் வெட்டி ஊட்டி விட்டார்.

கேக் ஊட்டிய துணைமேயர் அஞ்சுகம் பூபதி அண்ணே திமுகவுக்கு வந்துவிடுங்கள் என்றார். தொடர்ந்து அதிமுக, காங்கிரஸ், அ.ம.மு.க மாமன்ற உறுப்பினர்கள் கேக் ஊட்டி சால்வை அணிவித்து வாழ்த்தினார்கள். அதிமுக உறுப்பினர் கோபால் காலில் விழுந்து பிறந்தநாள் ஆசிப் பெற்றார் பா.ஜ.க உறுப்பினர் ஜெய் சதீஷ் வழக்கமாக கலவரமாக இருக்கும் மாமன்ற கூட்டம் இன்று கலகலப்பாக முடிந்தது.