அதிமுக பொதுசெயலாளர் எடப்பாடி பழனிச்சாமி பாபநாசம் வருகை விழா ஏற்பாடுகள் குறித்து முன்னாள் அமைச்சர் ஆய்வு.

தஞ்சாவூர் மாவட்டம் பாபநாசம் அருகே உள்ள கபிஸ்தலத்தில் மறைந்த முன்னாள் வேளாண்மை துறை அமைச்சர் துரைக்கண்ணு திருவுருவ சிலை திறப்பு விழா மற்றும் பொதுக்கூட்டத்தில் கலந்து கொள்வதற்காக முன்னாள் முதலமைச்சரும், அதிமுக கழக பொதுச் செயலாளருமான எடப்பாடி பழனிச்சாமி வருகின்ற மே 15ம் தேதி கபிஸ்தலத்திற்கு வருகை தர உள்ளார்.

இதற்காக கபிஸ்தலத்தில் பிரமாண்ட பந்தல் விழா மேடை அமைக்கப்பட்டு வருகிறது விழா பந்தல் மற்றும் மேடை அமைக்கும் பணிகளை முன்னாள் உணவுத்துறை அமைச்சர் இரா.காமராஜ் நேரில் பார்வையிட்டார் பின்னர் விழா ஏற்பாடுகள் குறித்து விழா பொறுப்பாளர் சண்முகபிரபு மற்றும் கட்சி நிர்வாகிகளுடன் ஆலோசனை நடத்தினார்.

அப்போது முன்னாள் சட்டமன்ற உறுப்பினர்கள் ராம.ராமநாதன், ராம்குமார் முன்னாள் எம்பி பாரதிமோகன் மற்றும் ஒன்றிய செயலாளர்கள் தியாக பழனிச்சாமி, ஓ.ஏ.ராமச்சந்திரன், அழகு த. சின்னையன், அறிவழகன் மற்றும் கழக நிர்வாகிகள் பலர் உடன் இருந்தனர்.விழா ஏற்பாடுகளை சண்முகபிரபு மற்றும் அதிமுக நிர்வாகிகள் செய்து வருகின்றனர்.