ஆண்டிப்பட்டியில் டிடிவி தினகரன் பிரச்சாரம் செய்து கொண்டிருந்த போது கூட்டத்திற்குள் வந்த ஆம்புலன்ஸ் பேச்சை நிறுத்தி ஆம்புலன்ஸ்க்கு வழி விட்ட தொண்டர்கள்.

ஆண்டிப்பட்டியில் டிடிவி தினகரன் பிரச்சாரம் செய்து கொண்டிருந்த போது கூட்டத்திற்குள் வந்த ஆம்புலன்ஸ் பேச்சை நிறுத்தி ஆம்புலன்ஸ்க்கு வழி விட்ட தொண்டர்கள்
திமுகவில் உதயா அணி கனிமொழி அணி என பல்வேறு அணிகள் உள்ளதாக குற்றச்சாட்டு

தேனி பாராளுமன்ற தொகுதியில் தேசிய ஜனநாயக கூட்டணியின் வேட்பாளராக அம்மா மக்கள் முன்னேற்றக் கழகத்தின் பொதுச்செயலாளர் டிடிவி தினகரன் போட்டியிடுகிறார்.

தனது வேட்பு மனுவை தாக்கல் செய்த பின்னர் மாலையில் ஆண்டிப்பட்டி சட்டமன்ற பகுதியில் தனது பிரச்சாரத்தை மாலை தொடங்கினார்.

ஆண்டிப்பட்டி நகரில் கூடியிருந்த மக்கள் மத்தியில் திறந்த வெளி வாகனத்தில் நின்றபடி வாக்குகள் சேகரித்தார்.

டிடிவி தினகரன் பேசிக் கொண்டிருக்கும்போது ஆண்டிபட்டி நகர் வழியாக திடீரென சைரன் சத்தத்துடன் ஆம்புலன்ஸ் கூட்டத்திற்குள் வந்ததால் பரபரப்பு ஏற்பட்டது. இதனையடுத்து டிடிவிதினகரன் பேச்சை நிறுத்தினார்.

அதனைத் தொடர்ந்து கீழே கூடியிருந்த தொண்டர்கள் ஆம்புலன்ஸ்க்கு உடனடியாக வழிவிட்டனர்.

ஆம்புலன்ஸ் கடந்து சென்ற பின்னர் மீண்டும் தனது பேச்சை தொடங்கினார்.