ஆத்தூர் காந்திநகரில் குடியிருப்பு பகுதியில் இருந்த பாம்பை தீயணைப்பு துறையினர் உயிருடன் பிடித்தனர்.

சேலம் மாவட்டம் ஆத்தூர் காந்திநகர் குமார் என்பவரது வீட்டில் பாம்பு இருப்பதைக் கண்டு அதிர்ச்சி அடைந்த அவர் உடனடியாக ஆத்தூர் தீயணைப்பு துறையினருக்கு தகவல் அளித்தார்.

உடனடியாக சம்பவ இடத்திற்கு விரைந்து வந்த நிலைய அலுவலர் அசோகன் தலைமையிலான வீரர்கள் அரை மணி நேரம் போராடி பாம்பை உயிருடன் பிடித்தனர்.

இதனால் அப்பகுதியில் சிறிது நேரம் பரபரப்பு ஏற்பட்டது. பிடிபட்ட பாம்பை வனத்துறையினரிடம் ஒப்படைக்கப்பட்டு காப்பு காட்டில் பத்திரமாக விடப்பட்டது.