எஸ்ஆர்எம் வேளாண் கல்லூரி மாணவர்கள் விவசாயிகளுக்கு இன்றைய விவசாயம் குறித்து பயிற்சி..

செங்கல்பட்டு மாவட்டம் காட்டாங்கொளத்தூர் எஸ்ஆர்எம் வேளாண் கல்லூரி நான்காம் ஆண்டு மாணவர்கள் செங்கல்பட்டு மாவட்டம், திம்மாவரம் கிராமத்தில் எஸ்ஆர்எம் வேளாண் கல்லூரியை சேர்ந்த உதவி பேராசிரியர்கள் முனைவர் அசோக் குமார், முனைவர் செல்வ குமார் ஆகியோர் முன்னிலையில் அப்பகுதி விவசாயிகளுடன் இணைந்து பயிற்சி முகாம் நடத்தினர்.

வாழை கன்று நேர்த்தி மற்றும் மீன் அமினோ அமீலம் கரைசல் செய்வது குறித்து பல்வேறு பயிற்சிகளை விவசாயிகள் மத்தியில் செயல்முறை விளக்கம் நடத்தி காட்டினர். அதுமட்டுமின்றி பயிர் சார்ந்த குறைகளை விவசாயிகளிடம் கேட்டறிந்து அதற்கான தீர்வையும் அளித்தனர்.