களக்காட்டில் மீரானியா திடலில் ரம்ஜான் சிறப்பு தொழுகை இரண்டாயிரத்திற்கும் மேற்பட்டோர் பங்கேற்ப்பு.

திருநெல்வேலி மாவட்டம் களக்காடு காவல் நிலையம் அருகில் உள்ள மீரானியா பள்ளிக்கு சொந்தமான திடலில் வைத்து பெருநாள் சிறப்பு தொழுகை நடைபெற்றது. இஸ்லாமியர்கள் அனைவரும் முப்பது நாட்கள் நோன்பு இருந்து இறுதியாக ஈதுல் பித்ர் என்னும் ரம்ஜான் பெருநாளை முன்னிட்டு புத்தாடை அணிந்து திடலில் சிறப்பு தொழுகை நடத்துவது வழக்கம்,.

அதன் அடிப்படையில் மீரானியா திடலில் சிறப்பு தொழுகை நடைபெற்றது. இதில் கோட்டை ஜமாத், வியாசராஜபுரம் ஜமாத், கோவில்பத்து ஜமாத், சிங்கம் பத்து ஜமாத், ஆகிய பகுதிகளில் இருந்து சுமார் இரண்டாயிரத்திற்கும் மேற்பட்டோர் கலந்து கொண்டு சிறப்பித்தனர் இந்நிகழ்ச்சினை கோட்டை ஜமாத் இளைஞர்கள் ஏற்பாடு செய்திருந்தனர்.