கும்பகோணம் அன்னை கலை மற்றும் அறிவியல் கல்லூரி சார்பில் சமத்துவப் பொங்கல் விழா.
தஞ்சாவூர் கும்பகோணத்தை அடுத்த கோவிலாச்சேரியில் அமைந்துள்ள அன்னை கலை மற்றும் அறிவியல் கல்லூரியில் நாட்டு நலப்பணித் திட்டத்தின் சார்பில் சமத்துவப் பொங்கல் விழா கொண்டாடப்பட்டது.
விழாவிற்கு அன்னை கல்விக் குழும தலைவர் மு.அன்வர் கபீர் தலைமையேற்றார். அன்னை கலை மற்றும் அறிவியல் கல்லூரி முதல்வர் முனைவர் சீ.பொ.மாணிக்கவாசுகி சிறப்புரையாற்றினார்.
சமத்துவ பொங்கல் விழாவை அன்னை கல்வி குழும செயலாளர் மு.ஹீமாயூன் கபீர் தொடங்கி வைத்தார். மாணவர்களுக்கு கோலப்போட்டி, மற்றும் சமையல் போட்டிகள் நடைபெற்றன. வெற்றி பெற்ற மாணவர்களுக்கு பரிசுகள் வழங்கி பாராட்டினர். நாட்டுப்புறக் கலையை போற்றும் வகையில் மயில் ஆட்டம், கரகாட்டம் போன்ற நாட்டுப்புற நடனங்களை மாணவர்கள் ஆடினர்.
கல்விக் குழுமத்தின் நிர்வாக அதிகாரி கே.ரவி செயல் அலுவலர் முனைவர் ரா.ராஜ்குமார் பேராசிரியர் முனைவர் வெங்கடேசன், சோமசுந்தரம், ஒருங்கிணைப்பாளர்கள் ஜெகன், அண்டோ திலக். மற்றும் முனைவர் மதுராந்தகி ஆகியோர் கலந்து கொண்டனர்.
