கோவில்பட்டி அருகே அகில இந்திய சமத்துவ மக்கள் கட்சி சார்பில் காமராஜர் மற்றும் சரத்குமார் பிறந்த நாள் விழா.
அகில இந்திய சமத்துவ மக்கள் கட்சி தூத்துக்குடி வடக்கு மாவட்டம் சார்பில் பெருந்தலைவர் காமராஜர் பிறந்த நாள் விழா மற்றும் சமத்துவ மக்கள் கட்சி தலைவர் சரத்குமார் பிறந்தநாள் விழாவை முன்னிட்டு கிழக்கு ஒன்றிய செயலாளர் சின்னத்தம்பி ஏற்பாட்டில் கோவில்பட்டி அருகே எட்டையாபுரம் மனநலம் குன்றிய ஆசிரமத்தில் அனைவருக்கும் அன்னதானம் வழங்கப்பட்டது.
எட்டயபுரம் மெயின் ரோட்டில் கட்சி கொடி ஏற்றி வைத்து பொதுமக்களுக்கு இனிப்புகள் வழங்கினர். இதனைத் தொடர்ந்து சிந்தலக்கரையில் கட்சி கொடி ஏற்றி வைத்து இனிப்புகள் வழங்கினர். கான்சாபுரத்தில் கொடியேற்றி இனிப்புகள் வழங்கினர்.
மேல ஈரால்நடுநிலைப் பள்ளியில் மாணவர்களுக்கு இனிப்புகள் வழங்கி கொண்டாடப்பட்டது. இதில் எட்டயபுரம் நகரச் செயலாளர் ராம செல்வம், எட்டயபுரம் நகரதுணை செயலாளர் மணிராஜ்,மாநில செயற்குழு உறுப்பினர் பூமி பாலகன், சிந்தலக்கரை ஊராட்சி கழக செயலாளர் அய்யனார்,கடலூர் ஊராட்சி கழக செயலாளர் முத்துகிருஷ்ணன், கடலூர் கிளைச் செயலாளர் பெரியசாமி, கடலையூர்,அவை தலைவர் பாண்டித்துரை, உள்ளிட்ட பலர் கலந்து கொண்டனர்.
கோவில்பட்டி செய்தியாளர் அ.சிவராமலிங்கம்
